اسىراپ العان وتباسىلار بالانى قانداي سەبەپپەن كەرى قايتارادى

قازاقستاندا اسىراپ العان بالانى اراعا ۋاقىت سالىپ كەرى قايتارىپ بەرۋ فاكتىلەرى از ەمەس، دەپ حابارلايدى Kazinform.

«اسىراپ العان بالانى قايتارۋ فاكتىلەرى ءىشىنارا بولادى. بالالاردى قايتارۋ سەبەپتەرى ءارتۇرلى، ماسەلەن پاتروناتتىق اتا-انانىڭ اۋىر دەرتكە شالدىعۋى، وتباسىلىق قيىندىقتار (اجىراسۋ، جاقىن ادامداردىڭ، ەرلى-زايىپتىلاردىڭ بىرەۋىنىڭ قايتىس بولۋى)، پسيحولوگيالىق ۇيلەسىمسىزدىك، تاعى سول سياقتى. مۇنداي جاعدايلاردىڭ مۇمكىندىگىنشە از نەمەسە مۇلدەم بولماۋىن قامتاماسىز ەتۋ ءۇشىن 2020-جىلدىڭ 1- شىلدەسىنەن باستاپ بالا اسىراپ الۋشىلار مىندەتتى پسيحولوگيالىق-پەداگوگيكالىق دايارلاۋدان وتەدى»، - دەپ جاۋاپ بەردى وقۋ-اعارتۋ مينيسترلىگى Kazinform ساۋالىنا.

بۇگىندە «انا ءۇيى» قوعامدىق قورى اسىراپ الۋشى اتا-انالاردى پسيحولوگيالىق دايارلاۋدى جۇزەگە اسىرادى جانە ولارعا قۇقىقتىق كومەك پەن پسيحولوگيالىق-پەداگوگيكالىق كونسۋلتاتسيا ۇسىنادى.

ۆەدومستۆونىڭ ۇسىنعان مالىمەتكە سايكەس ۇيىمداردىڭ جەتىم بالالاردى قازاقستاندىق ازاماتتاردىڭ وتباسىلارىنا ورنالاستىرۋعا جاردەمدەسۋ جونىندەگى قىزمەتى زاڭمەن بەكىتىلگەن.

«جەتىم جانە اتا-اناسىنىڭ قامقورلىعىنسىز قالعان بالالارعا پسيحولوگيالىق كومەكتى ءبىلىم بەرۋ ۇيىمدارى دا جۇرگىزەدى. اسىراپ الىنعان بالالاردىڭ W - ۇلدار، C - قىزدار. بالا قۇقىعىن بۇزعانى ءۇشىن جاۋاپقا تارتىلعان اتا-انالار تۋرالى ستاتيستيكالىق دەرەكتى قۇقىقتىق ستاتيستيكا جانە ارنايى ەسەپكە الۋ كوميتەتىنەن الۋعا بولادى»، - دەپ ءتۇسىندىردى مينيسترلىكتەن.