اسيف الي زارداري ەكىنشى رەت پاكىستان پرەزيدەنتى بولىپ سايلاندى
استانا. قازاقپارات - اسيف الي زارداري پاكىستاننىڭ ەكى پالاتاسىندا (ۇلتتىق اسسامبلەيا (تومەنگى پالاتا) جانە سەناتتا (جوعارعى پالاتا)، سونداي-اق ءتورت ايماقتىق اسسامبلەيادا) وتكەن داۋىس بەرۋ ناتيجەسىندە ەكىنشى رەت ەل پرەزيدەنتى بولىپ سايلاندى، دەپ جازادى انادولى.
The News International باسىلىمىنىڭ حابارلاۋىنشا، پرەزيدەنتتىك سايلاۋ 8-اقپاندا پاكىستاندا وتكەن جالپى پارلامەنتتىك سايلاۋدان كەيىن ءوتتى.
الدىن الا ناتيجەلەرگە سايكەس، پاكىستان حالىق پارتياسى (ح پ پ) مەن پاكىستان مۇسىلمان ليگاسى - ناۆازدىڭ بىرلەسكەن كانديداتى زارداري ەكىنشى رەت پاكىستان پرەزيدەنتى بولىپ سايلاندى.
اسيف الي زارداري 1955-جىلى كاراچيدە دۇنيەگە كەلگەن جانە 2008-2013-جىلدار ارالىعىندا پرەزيدەنت قىزمەتىن اتقارعان. زارداريدىڭ ايەلى 2007-جىلى 27-جەلتوقساندا قارۋلى جانكەشتى شابۋىلدىڭ سالدارىنان قايتىس بولدى.
اۆتور
ەركەجان سماعۇلوۆا