اۋستريا ۇكىمەتى وتستاۆكاعا كەتۋگە دايىندالۋدا

استانا. KAZINFORM - اۋستريا ۇكىمەتى وتستاۆكاعا كەتۋ تۋرالى ءوتىنىشىن كەلەسى اپتادا تاپسىرادى، ءبىراق پارلامەنت سايلاۋىنىڭ قورىتىندىسى بويىنشا جاڭا مينيسترلەر كابينەتى تاعايىندالعانعا دەيىن جۇمىسىن جالعاستىرادى.

بۇل تۋرالى رەسپۋبليكا پرەزيدەنتى الەكساندر ۆان دەر بەللەن مالىمدەدى، دەپ حابارلايدى ت ا س س اقپارات اگەنتتىگى.

«كەلەسى اپتادا ۇكىمەت وتستاۆكاعا كەتۋ تۋرالى ءوتىنىش بەرەدى، مەن ولارعا جاڭا ۇكىمەت تاعايىندالعانشا جۇمىسىن جالعاستىرۋدى تاپسىرامىن. سودان كەيىن ۇلتتىق كەڭەستە ۇسىنىلعان بارلىق پارتيالارمەن كەلىسسوزدەر جۇرگىزەمىن»، - دەدى ول ORF تەلەارناسىنىڭ ەفيرىندە.

ۆان دەر بەللەننىڭ اتاپ وتۋىنشە، ول كواليتسيا قۇرۋ ءۇشىن پارتيالار اراسىندا قانداي ىمىراعا كەلۋگە بولاتىنىن انىقتاۋعا تىرىسادى.

ORF قوعامدىق تەلەارناسىنىڭ مالىمەتىنشە، سايلاۋدا بوستاندىق پارتياسى الدا كەلەدى، وعان سايلاۋشىلاردىڭ 29,1 پايىزى داۋىس بەرگەن، ال كانتسلەر كارل نەحاممەردىڭ حالىقتىق پارتياسى 26,2 پايىز داۋىس جيناعان. ورتالىق سولشىل سوتسيال- دەموكراتتار ,4 داۋىسپەن ءۇشىنشى ورىندا.