استانا. KAZINFORM - استانا اكىمدىگى قالا تۇرعىندارى مەن قوناقتارىنا سىعاناق كوشەسىنەن سارايشىق كوشەسىنە دەيىنگى ۋچاسكەدە تۇران داڭعىلى جول توسەمىنىڭ ۇستىڭگى قاباتىن سالۋ جۇمىستارى جالعاساتىنىن حابارلادى.
وسىعان بايلانىستى، اعىمداعى جىلدىڭ 7-12 شىلدەسى ارالىعىندا اتالعان ۋچاسكەدەگى قوزعالىس ءىشىنارا كەزەڭ- كەزەڭىمەن جابىلاتىن بولادى. بۇل رەتتە اۆتوكولىك قۇرالدارىنىڭ قوزعالىسى الدىمەن اۋەجايدان قالاعا قاراي، كەيىن قالادان اۋەجايعا قاراي ءبىر باعىتتا عانا ۇيىمداستىرىلادى.
- جۇرگىزۋشىلەر مەن جاياۋ جۇرگىنشىلەردەن ءوز باعىتتارىن الدىن الا جوسپارلاپ، قوزعالىستى ۇيىمداستىرۋدا مۇمكىن بولاتىن وزگەرىستەردى ەسكەرۋدى سۇرايمىز، - دەلىنگەن جازبادا.
قاۋىپسىزدىكتى قامتاماسىز ەتۋ جانە قولايسىزدىقتاردى ازايتۋ ماقساتىندا ۋاقىتشا جول بەلگىلەرى مەن باعىتتاۋشى كورسەتكىشتەر ورناتىلادى.
Фото: Астана әкімдігі
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.