استانانىڭ باس شىرشاسى جاعىلدى

ۇيىمداستىرۋشىلاردىڭ ايتۋىنشا، باس شىرشانىڭ بيىكتىگى 25 مەترگە جەتەدى.

- بيىل باس شىرشامىز تابيعي پىشىندە جاسالعان، ساۋكەلە سەكىلدى جان- جاعى جۇقا جەلەكپەن ساندەلگەن. بۇل شىرشاعا شامامەن 3000 ويىنشىق پەن كوپتەگەن گيرلياندا قولدانىلدى، - دەدى «استاناگەنپلان» مەكەمەسىنىڭ ديرەكتورىنىڭ ورىنباسارى ەلنار بازىكەن تىلشىلەرگە بەرگەن سۇحباتىندا.

سونداي-اق، ستاديون اۋماعىندا تۇرعىندار ءۇشىن كوپتەگەن ويىن- ساۋىق - مۇز ايدىندارى، سىرعاناقتار، فوتوزونالار، جارمەڭكەلەر مەن ءدامحانالار اشىلدى.

ايتا كەتەيىك، ءدال وسى ۋاقىتتا استانانىڭ التى اۋدانىندا دا جاڭاجىلدىق 30 شىرشا قاتار جاعىلدى.

استانادا 30 دان استام جاڭا جىلدىق شىرشانىڭ شامى جاعىلاتىنىن جازعان بولاتىنبىز.

ال الماتىنى جاڭاجىلدىق بەزەندىرۋگە 800 ميلليون تەڭگە جۇمسالادى.

اۆتور

ايجان سەرىكجان قىزى