استانانىڭ اينالما جولى 3 كۇنگە جابىلادى
18:04, 23 - قىركۇيەك 2024
استانا. KAZINFORM - قازاۆتوجول ەلوردانىڭ اينالما جولىندا كولىك قوزعالىسىنا تىيىم سالىناتىنىن حابارلادى.
قازاۆتوجول 24-قىركۇيەكتەن باستاپ 27-قىركۇيەككە دەيىنگى ارالىقتا Р-10 استانا اينالما جولىنىڭ 46-53 شاقىرىمى ۋچاسكەسىندە ورتاشا جوندەۋ جۇمىستارىن جۇرگىزەدى.
«وسىعان بايلانىستى Р-10 استانا اينالما جولىنىڭ 46-53 شاقىرىمى ارالىعىندا قوزعالىسقا شەكتەۋ قويىلادى» دەلىنگەن كومپانيا تاراتقان حابارلامادا.
ەسكە سالا كەتەيىك، مۇنىڭ الدىندا استانانىڭ اينالما جولىنىڭ 30-36 شاقىرىم ارالىعى 14-قىركۇيەكتەن 1-قازانعا دەيىن ەكى اپتاعا جابىلعانىن حابارلاعان بولاتىنبىز.