استانالىقتار تەگىن دونەر ءۇشىن تاپتالىپ قالا جازدادى

استانا. KAZINFORM - ەلوردادا جەكە كاسىپكەر تەگىن 1000 دونەر تاراتاتىنىن ايتىپ جارناما جاساعان. ال كوپشىلىك وعان اعىلىپ كەلگەن.

الەۋمەتتىك جەلىدە تاراعان ۆيدەودان بايقاساق، تەگىن دونەر جەگىسى كەلگەن تۇرعىنداردىڭ قاراسى كوپ.

سونداي-اق، كادردان ادامداردىڭ ءبىر-ءبىرىن يتەرىپ، باسا كوكتەپ العا ۇمتىلىپ جاتقانىن بايقاۋعا بولادى.

«25 -قىركۇيەكتە ءدامحانانىڭ اشىلۋىنا وراي جەڭىلدىكپەن دونەرگە تالون الۋعا حالىق كوپ جينالعان. جاعدايدى رەتتەۋ جانە سوقتىعىستىڭ الدىن الۋ ماقساتىندا وقيعا ورنىنا پوليتسيا قىزمەتكەرلەرى مەن ەسىل اۋدانى اكىمدىگىنىڭ وكىلدەرى باردى. پوليتسەيلەر ءىس-شارانى ۇيىمداستىرۋشىلاردى انىقتادى. بۇل فاكت بويىنشا جەكە كاسىپكەر اكىمشىلىك جاۋاپكەرشىلىككە تارتىلدى»، - دەگەن حابار الدىق قالالىق پوليتسيا دەپارتامەنتىنەن.

ايتا كەتسەك، حالىقتىڭ توپىرلاۋىنا جول بەرگەن كاسىپ يەسىنە 73840 تەڭگە ايىپپۇل سالدى.

ەسكە سالا كەتەيىك، تاياۋدا استانادا دونەر سەحىندا جارىلىس بولىپ، جانىنداعى كولىكتى جالىن شارپىعان ەدى.

اۆتور

داۋلەت ىزتىلەۋ