استانالىق كولىك جۇرگىزۋشىلەرى كوك تۋىمىزدى جەلبىرەتىپ، 30 شاقىرىم ءجۇرىپ ءوتتى
استانا. KAZINFORM - استانادا رەسپۋبليكا كۇنىنە وراي اۆتوشەرۋ ءوتتى. كوك تۋىمىزدى جەلبىرەتكەن كولىك جۇرگىزۋشىلەرى ەلوردانىڭ باستى كوشەلەرىمەن ءجۇرىپ ءوتتى.
جالپى قاشىقتىق 30 شاقىرىمنان اسادى. ۇيىمداستىرۋشىلاردىڭ سوزىنشە، مۇنداي ناۋقاننىڭ ماڭىزى زور. بۇل مەملەكەتتىك رامىزدەردى، سونىڭ ىشىندە كوك بايراقتى دارىپتەۋگە ىقپال ەتەدى. ءارى مەرەكە قارساڭىندا تۇرعىنداردىڭ كوڭىل-كۇيىن كوتەرۋگە سەپتەسەدى.
ناۋقان جىل سايىن ءداستۇرلى تۇردە ۇيىمداستىرىلىپ تۇرادى. بيىلدان باستاپ، باسقا قالالاردا دا جالعاسادى.
«مەملەكەتتىك رامىزدەرىمىزدى جالپى قالا تۇرعىندارى اراسىندا، حالىق اراسىندا كەڭىنەن ناسيحاتتاعىمىز كەلەدى. بۇل باستامانى قولعا الىپ وتىرعان ق ر مادەنيەت جانە اقپارات مينيسترلىگىنىڭ جاستار جانە وتباسى كوميتەتى. بۇل شارا جىلدا داستۇرگە اينالعان، ترەندكە اينالعان شارا»، - دەيدى ق ر مادەنيەت جانە اقپارات مينيسترلىگى جاستار ىستەرى كوميتەتىنىڭ باسقارما باسشىسى اقۇلان تاستەمىر.