استانالىق دارىگەرلەر ۇشاقتا ينسۋلت العان جاپونيا ازاماتىنىڭ ومىرىمەن كۇرەسىپ جاتىر

استانا. KAZINFORM - توكيودان سيۋريحكە باعىت العان اۋە رەيسى ەلوردا اۋەجايىنا شۇعىل قوندى. ۇشاقتا جولاۋشىلاردىڭ ءبىرى ينسۋلت العان.

«بيىل 17-تامىزدا جەدەل جاردەم قىزمەتى اۋەجايدان مي قان اينالىمىنىڭ ءجىتى بۇزىلۋىمەن (ينسۋلت) ەر ادامدى №2 قالالىق كوپبەيىندى اۋرۋحاناعا جەتكىزدى. رەانيماتسيا بولىمشەسىنە جاتقىزىلدى، قازىر پاتسيەنتتىڭ جاعدايى اۋىر»، - دەپ جازدى استانا قالاسى قوعامدىق دەنساۋلىق ساقتاۋ باسقارماسىنان.

سونداي-اق، دەنساۋلىق ساقتاۋ باسقارماسىنان 52 جاستاعى جاپون ازاماتىنا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 88-بابىنىڭ 5-تارماعىنا سايكەس ەم كورسەتىلەتىنى ايتىلدى.

ەسكە سالا كەتەيىك، 17-تامىزدا ەلوردا اۋەجايىنان بارلىق رەيس ۋاقىتشا توقتاتىلىپ، اۋەجاي ەكى ساعاتقا جابىلعان ەدى. وعان سەبەپ 50 جاستاعى جولاۋشى ينسۋلت العان، سوسىن اۋە ەكيپاجى ەلوردا اۋەجايىنا قونۋعا شەشىم قابىلداعان.