ەلوردادا جەلتوقساننىڭ 19 ىنان 20 سىنا قاراعان ءتۇنى قالا سىرتىنا 50 مىڭ تەكشە مەتر قار، ياعني جۇك كولىگىمەن 3600 دەن استام رەيس قار شىعارىلدى، دەپ حابارلايدى kazinform استانا اكىمدىگى سايتىنا سىلتەمە جاساپ.
بۇگىنگى تاڭدا استانادا قار كۇرەۋگە 2400 دەن استام جول قىزمەتكەرى مەن 1600 گە جۋىق ارنايى تەحنيكا جۇمىلدىرىلدى.
ءبىرىنشى كەزەكتە قوعامدىق كولىكتىڭ قيىندىقسىز ءجۇرۋى ءۇشىن نەگىزگى ماگيسترالدار تازارتىلادى. ارى قاراي، قوزعالىسى ورتاشا قارقىندى ۋچاسكەلەر - الاڭدار، ۆوكزال ماڭىنداعى اۋماقتار، تروتۋارلار قاردان ارشىلادى.
«قار كۇرەۋ جۇمىسى تاۋلىك بويى كۇشەيتىلگەن رەجيمدە جۇرگىزىلىپ جاتىر»، - دەدى اكىمدىكتەن.
Фото: Астана әкімдігіФото: Астана әкімдігі
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.