استاناداعى رەيد: ۆەيپ پەن ناسىباي اۋەسقويلارى جاۋاپكەرشىلىككە تارتىلۋدا

استانا. KAZINFORM - ەلوردانىڭ بارلىق اۋدانىندا 18-ناۋرىزدان باستاپ ۆەيپ پەن ناسىبايدىڭ زاڭسىز تارالۋى مەن قولدانىلۋىن انىقتاۋ بويىنشا رەيدتەر جۇرگىزىلۋدە. رەيدتىك ءىس-شارالاردىڭ 2 اپتاسىندا 700 دەن استام ساۋدا نۇكتەلەرى تەكسەرىلدى، شەكپەيتىن تەمەكى ونىمدەرىن، ونىڭ ىشىندە ناسىباي ءوندىرىسى بويىنشا جەراستى سەحتارىن ساتۋدىڭ 150گە جۋىق فاكتىسى انىقتالدى، دەپ حابارلايدى ەلوردا اكىمدىگىنىڭ رەسمي سايتى.

پوليتسەيلەر اۋدان اكىمدىكتەرىنىڭ قىزمەتكەرلەرىمەن بىرلەسىپ، ساۋدا نۇكتەلەرىن تەكسەرەدى جانە تاراتۋشىلاردى اكىمشىلىك جاۋاپكەرشىلىككە تارتادى. الماتى اۋدانىنداعى رەيد بارىسىندا پوليتسەيلەر 51 فاكتىنى انىقتادى، ونىڭ ىشىندە شەكپەيتىن تەمەكى ونىمدەرىن ساتۋدىڭ 40 فاكتىسى (ناسىباي) تىركەلدى. بارلىق فاكتىلەر بويىنشا ق ر ا ق ب ت ك-نىڭ 196-بابى بويىنشا 25 ا ە ك مولشەرىندە ايىپپۇل تۇرىندە اكىمشىلىك جازا قولدانىلا وتىرىپ، اكىمشىلىك حاتتامالار جاسالدى.

مەكەمەلەردە تەمەكى ونىمدەرىن (كاليان) تۇتىنۋدىڭ 11 فاكتىسى، ق ر ا ق ب ت ك-نىڭ 441-بابى بويىنشا اكىمشىلىك حاتتامالار جاسالدى، 15 ا ە ك مولشەرىندە ايىپپۇل تۇرىندە اكىمشىلىك جازا قولدانىلدى.

سونداي-اق سارىارقا اۋدانىندا ساۋدا ورىندارىندا جەدەل-الدىن الۋ شارالارى جۇرگىزىلۋدە. رەيد باستالعاننان بەرى 50 بۇزۋشىلىق انىقتالىپ، 30 كەلىگە جۋىق ناسىباي تاركىلەندى.

ەسىل اۋدانىندا جەدەل-پروفيلاكتيكالىق ءىس-شارالار بارىسىندا شەكپەيتىن تەمەكى ونىمدەرىن ساتۋدىڭ 11 فاكتىسى انىقتالدى، ونىڭ ىشىندە ناسىباي ساۋداسى ءۇشىن 7 فاكت جانە كامەلەتكە تولماعان تۇلعالارعا ۆەيپتەردى ساتۋدىڭ 4 فاكتىسى تىركەلدى.

پوليتسيا قىزمەتكەرلەرى كاسىپكەرلەرگە قاتىستى ق ر ا ق ب ت ك 196-بابى مەن 423-بابى 1-بولىگىنىڭ 1-بولىگىنە سايكەس، 25 ا ە ك (92300 تەڭگە) سوماسىنا ايىپپۇل تۇرىندە اكىمشىلىك شارالار قابىلدادى.

ەستەرىڭىزگە سالا كەتەيىك، استانادا 4 توننا ناسىباي تاركىلەندى، ونىڭ قۇنى 20 ميلليون تەڭگەدەن اسادى.

تاركىلەنگەن بارلىق ءونىم جويىلدى. ەلوردانىڭ ساۋدا نۇكتەلەرى بويىنشا رەيدتەر كۇن سايىن جۇرگىزىلەدى.