استاناداعى مەترو جەلىسىندە ىستەيتىن پويىز وپەراتورلارىن وقىتۋعا الدىن الا قابىلداۋ باستالادى

استانا. قازاقپارات - «City Transportation Systems» ج ش س جەڭىل رەلستى كولىك جەلىسىندە جۇمىس ىستەيتىن پويىز وپەراتورلارىن (ماشينيست) وقىتۋعا الدىن الا قابىلداۋ باستالعانىن حابارلادى. LRT قۇرامدارى تولىعىمەن اۆتوماتتاندىرىلعان جانە پيلوتسىز بولادى.

LRT پويىز وپەراتورلارىنىڭ نەگىزگى مىندەتتەرى:

- جولاۋشىلاردىڭ قاۋىپسىزدىگىن جانە پويىزدىڭ تەحنيكالىق جاعدايىن، بارلىق قاۋىپسىزدىك نورمالارىنىڭ ساقتالۋىن قاداعالاۋ؛

- اۆتوماتتاندىرىلعان باسقارۋ جۇيەسىنىڭ جۇمىسىن ۇزدىكسىز باقىلاۋ، اقاۋلاردى انىقتاۋ جانە جويۋ؛

- ۆاگونداردىڭ ەلەكترلى جىلىتۋدى/جەلدەتۋدى ساقتاۋ، جولاۋشىلاردى وتىرعىزىپ/ءتۇسىرۋ ءتارتىبىن رەتتەۋ، جىلجىمالى قۇرامنىڭ ۇزدىكسىز جۇمىسىن قامتاماسىز ەتۋ بويىنشا باسقا دا جۇمىستاردى اتقارۋ.

«ءبىز قازاقستان رەسپۋبليكاسىنىڭ ەڭبەك كودەكسىنە سايكەس رەسمي جۇمىسقا ورنالاسۋدى، جۇمىس بەرۋشىنىڭ ەسەبىنەن بىلىكتىلىكتى ارتتىرۋدى جانە وقىتۋدى ۇسىنامىز. وقىتۋ ناتيجەسى بويىنشا LRT باسقارۋعا ارنالعان حالىقارالىق ۇلگىدەگى سەرتيفيكات بەرىلەدى.

وقۋ مەرزىمى 1 جىلعا دەيىن. وقىتۋ استانا ق./ق ح ر جۇمىس بەرۋشىنىڭ ەسەبىنەن جۇرگىزىلەدى. قىزمەتكەرلەر قازاقستان رەسپۋبليكاسىنىڭ ازاماتتارىنان قۇرالادى»، - دەپ مالىمدەدى ۆەدومستۆودان.

ماقسات - مامانداندىرىلعان كومپانيانى جۇمىسقا تارتپاي، LRT جۇيەلەرىن پايدالانۋ، تەحنيكالىق قىزمەت كورسەتۋ جانە جوندەۋ داعدىلارىن ۇيرەتۋ (اعىمداعى جانە كۇردەلى جوندەۋ).

ۇمىتكەرلەرگە قويىلاتىن تالاپتار:

- تەمىر جول كولىگى سالاسىنداعى جوعارى ءبىلىم؛

- جۇمىس تاجىريبەسى لوكوموتيۆ ماشينيسى لاۋازىمىندا كەمىندە 3 جىل/لوكوموتيۆ ماشينيسى كومەكشىسى رەتىندە كەمىندە 5 جىل.

جۇمىس اۋىسىمدىق كەستە بويىنشا جۇزەگە اسىرىلادى.

تۇيىندەمە CTS رەسمي سايتى ارقىلى قابىلدانادى. سۇراقتار بويىنشا تەلەفون ءنومىرى: استانا ق. 577177(7172)7+ (ىشكى 102)

اۆتور

اسحات رايقۇل