استاناداعى مەترو ءىسى: انتيكور جاڭا مالىمەتتەر بارىن ايتتى

استانا. KAZINFORM - استانا اكىمىنىڭ بۇرىنعى ورىنباسارى قانات سۇلتانبەكوۆ پەن Astana LRT بۇرىنعى باسشىسى تالعات اردانعا قاتىستى قىلمىستىق ىستە جاڭا مالىمەتتەر پايدا بولدى.

بۇل تۋرالى انتيكور رەسمي وكىلى دانيار بەگايداروۆ مالىمدەدى. دەگەنمەن سىبايلاس جەمقورلىققا قارسى قىزمەت ب ا ق- قا بۇل جونىندە ازىرگە اشىپ ايتا المايدى.

بەگايداروۆتىڭ سوزىنشە، قىلمىستىق ىستە العا جىلجۋ بار.

«بەلگىلى ءبىر اقپارات، بەلگىلى ءبىر قوزعالىس بار، ءبىراق ىزدەۋ جالعاسىپ جاتىر. وكىنىشكە قاراي، بۇقارالىق اقپارات قۇرالدارىنا جاريالايتىن جاڭارتىلعان اقپارات ازىرگە جوق. جاڭا اقپارات بولعاندا، حابارلايمىز»، - دەدى اگەنتتىك وكىلى بريفينگتە.

بۇعان دەيىن باس پروكۋروردىڭ ورىنباسارى اسەت شىندالييەۆ استانا اكىمىنىڭ بۇرىنعى ورىنباسارى قانات سۇلتانبەكوۆ پەن Astana LRT بۇرىنعى باسشىسى تالعات ارداندى ىزدەستىرۋ بويىنشا ءىس قاي ساتىدا ەكەنىن ايتتى.

ايتا كەتەيىك، استانا اكىمىنىڭ بۇرىنعى ورىنباسارى قانات سۇلتانبەكوۆ 5,3 جىل ىزدەۋدە.

Astana LRT بۇرىنعى باسشىسى تالعات اردان 6 جىلدان بەرى ىزدەۋدە.

ەسكە سالايىق، 2023-جىلى مامىردا استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا LRT ءىسى بويىنشا ايىپتالۋشىلار تالعات اردان مەن قانات سۇلتانبەكوۆكە سىرتتاي ۇكىم جاريالاندى.