استاناداعى كەنەسارى حان ەسكەرتكىشىنىڭ ىرگەتاسى قۇلايىن دەپ تۇر

  استانا. KAZINFORM - قالانىڭ مادەنيەت باسقارماسى تاريحي- مادەني مۇرانى ساقتاۋ ماقساتىندا 2024-2025 -جىلدارى ەسىل وزەنىنىڭ جاعاسىندا ورنالاسقان كەنەسارى حان ەسكەرتكىشىن قايتا جاڭارتۋ جوسپارلانعانىن حابارلايدى.

استانا قالالىق اكىمدىگى باسپا ءسوز قىزمەتىنىڭ حابارلاۋىنشا، عىلىمي- تەحنيكالىق زەرتتەۋ ناتيجەلەرىنە سايكەس، نىسان اپاتتى دەپ تانىلدى. نىسان ىرگەتاسىنىڭ قۇلاۋ قاۋپى بار.

نىساندى بولشەكتەۋ بيىلعى قاراشا ايىندا باستالادى. نىساننىڭ ءوزى جاڭارتىلعاننان كەيىن 2025 -جىلدىڭ كوكتەمىندە ورنىنا قايتارىلادى دەپ جوسپارلانۋدا.

«جاڭارتۋ كەلەسىدەي جۇمىستاردى ورىنداۋدى قامتيدى: ءمۇسىندى بولشەكتەۋ جانە ونى كەيىننەن قالپىنا كەلتىرۋ، تۇعىردى جانە وعان ىرگەلەس اۋماقتى بولشەكتەۋ، بۇرعىلاۋ ءۇيىندىسىن ورناتۋ، سونداي-اق قۇرىلىمدى كەيىننەن مونتاجداۋ جانە تۇعىردى قاپتاۋ ماتەريالىمەن ارلەۋ»، - دەلىنگەن حابارلامادا.

استانادا جاڭا كوپ فۋنكتسيونالدى تۋريستىك اۋدان سالىناتىنى تۋرالى جازعان ەدىك.