استاناداعى «اتامەكەن» ەتنو-مەموريالدى كەشەنى باسقا جەرگە كوشىرىلە مە
استانا. KAZINFORM - «اتامەكەن» ەتنو-مەموريالدى كەشەنى قازىر جابىق تۇر. استانا قالاسىنىڭ مادەنيەت باسقارماسى بۇل نىسانعا قاتىستى الداعى جوسپارى تۋرالى ءمالىم ەتتى.
- «اتامەكەن» ەتنو-مەموريالدى كەشەنى اپاتتى جاعدايدا دەپ تانىلعاندىقتان، جۇمىسىن توقتاتتى. بيىل ەتنو-مەموريالدى كەشەندى ءسۇرۋ جوسپاردا جوق، - دەپ جاۋاپ بەردى باسقارمادان اگەنتتىك تىلشىسىنە.
سونداي-اق كەشەننىڭ قىزمەتكەرلەرى تۇگەلدەي جۇمىسپەن قامتىلعان.
- كەشەندە 26 قىزمەتكەر جۇمىس ىستەدى، قازىر بۇل قىزمەتكەرلەر استانا قالاسى اكىمدىگىنىڭ «بىرلەسكەن مۇراجايلار ديرەكسياسى» مەملەكەتتىك مەكەمەسىندە جۇمىسىن جالعاستىرىپ جاتىر، - دەلىنگەن رەسمي ساۋال جاۋابىندا.
باسقارمادان ءمالىم ەتكەندەي، بولاشاقتا باسقا جەردە «اتامەكەن» ەتنو-مەموريالدى كەشەنى تەكتەس نىسان سالۋ جوسپاردا جوق.
ەسكە سالا كەتەيىك، «اتامەكەن» ەتنو- مەموريالدى كەشەنى 2001 -جىلى 8-قىركۇيەكتە اشىلدى. كەشەن اۋماعىندا بارلىعى 200 دەن استام مينياتيۋرا بار. قازاقستاننىڭ ۇلكەن كارتاسىنا بارلىق وبلىستار مەن ەلىمىزدىڭ باس قالالارى - استانا مەن الماتى سىيعان.
رەسمي مالىمەتكە سۇيەنسەك، كەشەندى 2023 -جىلى - 17859 ادام، 2024 -جىلى - 27055 ادام تاماشالاعان.