استاناداعى اۋكسيوندا قازاقستاندىق بۇقا 6 ميلليون تەڭگەگە ساتىلدى

استانا. KAZINFORM - ەلوردادا 17-18-شىلدە كۇنى ءداستۇرلى Jana Dala/Green Day 2025 حالىقارالىق كورمەسى ءوتىپ جاتىر.

ۇيىمداستىرۋشىلار ۇسىنعان مالىمەتكە سايكەس، بيىل حالىقارالىق كورمەگە 22 ەلدەن 10 مىڭنان استام كەلدى. سونداي-اق 500 بالا كورمەنى ارنايى باعدارلاما بويىنشا تاماشالادى. جالپى ءداستۇرلى كورمەگە 200 دەن استام كومپانيا قاتىسىپ جاتىر.

ايتا كەتەيىك، مالدىڭ جاي-كۇيىن 150 ۆەتەرينار مامان باقىلاپ وتىر.

ودان بولەك، «مال شارۋاشىلىعى» بلوگى اياسىندا كورسەتىلىمگە، اۋكسيون جانە «ەڭ ۇزدىك بۇقا» بايقاۋىنا 19 شارۋاشىلىق قاتىسىپ جاتىر، ول جەردە 47 بۇقا ۇسىنىلعان.

- Jana Dala Green Day 2025 حالىقارالىق كورمەسى اياسىندا وتكەن اۋكتسيوندا «داۋرەن» شارۋا قوجالىعىنىڭ «جويقىن» اتتى بۇقاسى 6 ميلليون تەڭگەدەن استام قارجىعا ساتىلدى، - دەلىنگەن حابارلامادا.

قازاقتىڭ اقباس تۇقىمدى بۇقالارى اراسىنداعى بايقاۋ ءوز مارەسىنە جەتتى. جالپى حالىقارالىق كورمە جالعاسىپ جاتىر.

جەڭىمپازدار:

18 ايعا دەيىنگى سانات بويىنشا:

- «ءسابيت» شارۋا قوجالىعى - «قىران» (باتىس قازاقستان وبلىسى)؛

- «نوۆوبراتسكوە» ج ش س - «باگروۆىي» (اقمولا وبلىسى)؛

- «داۋرەن» شارۋا قوجالىعى - «باتپان» (اباي وبلىسى).

18 ايدان جوعارى سانات بويىنشا:

- «گاليتسكوە» شارۋا قوجالىعى - «دوللار» (پاۆلودار وبلىسى)؛

- «رودينا» ج ش س - «اتوس» (اقمولا وبلىسى)؛

- «ايدار» شارۋا قوجالىعى - «لوحوپوتا» (اقمولا وبلىسى).

ابسوليۋتتى چەمپيون:

- «ءسابيت» شارۋا قوجالىعى «قىران» بۇقا (باتىس قازاقستان وبلىسى).

بۇعان دەيىن اقمولا وبلىسىندا «Jańa Dala / Green Day ‘2025» كورمەسى باستالعانى تۋرالى جازعان ەدىك.

ەسكە سالساق، بيىل مامىردا قازاقستاندا بۇقا ەكسپورتىنا ۋاقىتشا تىيىم سالىنعان ەدى.