استانا. KAZINFORM - قۇقىق قورعاۋ ورگانى قىزمەتكەرلەرىنىڭ حابارلاۋىنشا، كەشە ساعات 18:50-دە 102 ارناسىنا بايقوڭىر اۋدانىنىڭ يانۋشكيەۆيچ كوشەسىندە ەر ادامنىڭ دەنەسى تابىلعانى تۋرالى حابار تۇسكەن، دەپ حابارلايدى استانا قالالىق پوليسيا دەپارتامەنتىنىڭ باسپا ءسوز قىزمەتى.
پوليسيانىڭ مالىمەتتەرىنە قاراعاندا، وقيعا ورنىندا پىشاق جاراقاتىن العان 53 جاستاعى ەر ادامنىڭ ءمايىتى تابىلدى.
«ءتارتىپ ساقشىلارى جەدەل ىزدەستىرۋ شارالارىنىڭ بارىسىندا 31 جاستاعى كۇدىكتىنى قولعا ءتۇسىردى. الدىن الا مالىمەت بويىنشا، ەكى ادامنىڭ اراسىندا جانجال تۋىپ، سوڭى كىسى ولىمىمەن اياقتالعان. زاتتاي دالەل رەتىندە پىشاق تابىلىپ، قىلمىستىق ءىس قوزعالدى»، - دەپ ءمالىم ەتتى پوليتسيا دەپارتامەنتىنەن.
كۇدىكتى ۋاقىتشا ۇستاۋ يزولياتورىنا قامالدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.