استاناداعى «7 بوچەك» تۇرعىن ءۇي كەشەنىندە ءورت شىقتى
استانا. KAZINFORM - ءدال قازىر ت ج م ءورت سوندىرۋشىلەرى استانا قالاسىنىڭ نۇرا اۋدانىندا قىزىل جالىنعا ورانعان تۇرعىن ءۇي كەشەنىندەگى ءورتتى اۋىزدىقتاۋعا بارىن سالىپ جاتىر.
- وسى ۋاقىتتا ت ج م ءورت سوندىرۋشىلەرى استانا قالاسىنىڭ نۇرا اۋدانىنداعى سىعاناق كوشەسىندە ورنالاسقان تۇرعىن ءۇي سىرتقى قاپتاماسىنىڭ ورتەنۋىن سوندىرۋگە تىرىسىپ جاتىر. وقيعا ورنىندا كۇشتەر مەن قۇرالدار جوعارى دارەجەدە جۇمىس ىستەپ جاتىر. وقيعانىڭ ءمان- جايى انىقتالاتىن بولادى، - دەپ جازدى ت ج م باسپا ءسوز قىزمەتى.
ءمالىم بولعانداي، ءورت ورنىندا ءورت ءسوندىرۋ شتابى قۇرىلدى. تۇرعىنداردى ەۆاكۋاتسيالاۋ جۇمىستارى جۇرگىزىلىپ جاتىر.
زارداپ شەككەندەر تۋرالى اقپارات تۇسكەن جوق.
- سۋدى ۇزدىكسىز بەرۋ ۇيىمداستىرىلدى. ءورت بولعان جەردى پوليتسيا دەپارتامەنتىنىڭ قىزمەتكەرلەرى قورشاپ الدى. جەكە قۇرامنان 45 ادام جانە 13 بىرلىك تەحنيكا جۇمىلدىرىلدى، - دەپ جازدى ۆەدومستۆودان.
ت ج م مالىمەتىنشە، ءورتتى وقشاۋلاۋ ءۇشىن بارلىق شارالار قولدانىلىپ جاتىر. ءورتتى سوندىرۋگە بىرنەشە سۋ وقپاندارى بەرىلگەن.
نۇرا اۋدانىندا قىزىل جالىنعا ورانعان تۇرعىن ءۇي كەشەنىندەگى ءورت اۋىزدىقتالدى. بۇل سوڭىندا تۋرالى ت ج م ءمالىم ەتتى.
- «سەم بوچەك» دەپ اتالاتىن تۇرعىن كەشەنىنىڭ 6 مەن 16 قابات ارالىعىنداعى سىرتقى قاپتاماسى مەن 14-قاباتتاعى بالكون ورتكە وراندى. 100 گە جۋىق تۇرعىن ءوز بەتىنشە دالاعا شىقتى، ت ج د كۇشتەرى 15 ادامدى ەۆاكۋاتسيالادى. زارداپ شەككەندەر جوق. ءورتتىڭ سەبەبى انىقتالىپ جاتىر، - دەلىنگەن حابارلامادا.