استانادا ۇيىرمە مەن سپورت سەكسياسىنا ورىن ءبولۋ كەزىندە باسەكەلەستىك زاڭناماسى بۇزىلعان
استانا. KAZINFORM - باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتى استانا قالاسىنىڭ دەنە شىنىقتىرۋ جانە سپورت باسقارماسى جانە قالالىق مادەنيەت باسقارماسىنا قاتىستى تەرگەۋدى اياقتادى.
ناتيجەسىندە ەكى باسقارمانىڭ ارەكەتىنەن شىعارماشىلىق ۇيىرمەلەر مەن سپورت سەكسيالارىنا ورىن ءبولۋ كەزىندە قازاقستاننىڭ باسەكەلەستىكتى قورعاۋ زاڭناماسىن بۇزۋ فاكتىلەرى انىقتالدى.
مەملەكەتتىك شىعارماشىلىق جانە سپورتتىق تاپسىرىستاردى № 120 جانە № 122 ورنالاستىرۋ قاعيدالارىنا سايكەس، مەملەكەتتىك شىعارماشىلىق جانە سپورتتىق تاپسىرىستاردى ورنالاستىرۋ الگوريتمى الدىمەن قىزمەت كورسەتۋشىلەردى ىرىكتەۋدى، سودان كەيىن ورىنداردى شىعارماشىلىق ۇيىرمەلەر مەن سپورت سەكسيالارىنا ءبولۋدى مىندەتتەيدى.
الايدا، 2023 -جىلعى 27 -قىركۇيەكتە استانا قالاسى اكىمدىگىنىڭ مادەنيەت جانە سپورت باسقارمالارى الدىن الا ىرىكتەۋسىز بۇرىن ىرىكتەلگەن قىزمەت كورسەتۋشىلەرگە تەگىن ۇيىرمەلەر مەن سەكسيالارعا بارۋ ءۇشىن كەزەك اشقان.
وسىلايشا مادەنيەت جانە سپورت باسقارمالارى جوعارىدا اتالعان ءىس-قيمىلىمەن مەملەكەتتىك شىعارماشىلىق جانە سپورتتىق تاپسىرىستاردى ورنالاستىرۋ ءتارتىبىن ساقتاماۋىنا بايلانىستى كاسىپكەرلەردىڭ مەملەكەتتىك تاپسىرىسقا قول جەتكىزۋىن شەكتەگەن.
بۇگىنگى تاڭدا استانا قالاسىنىڭ مامانداندىرىلعان اۋدانارالىق اكىمشىلىك سوتى دەنە شىنىقتىرۋ جانە سپورت، مادەنيەت باسقارمالارىنىڭ دەپارتامەنت اتىنا تۇسىرىلگەن اكىمشىلىك تالابىن قاناعاتتاندىرمادى.