استانادا وتەتىن ديماش قۇدايبەرگەننىڭ كونسەرتىنە ارنايى اۆتوبۋستار قاتىنايدى

استانا اكىمدىگىنىڭ حابارلاۋىنشا، كورەرمەندەرگە ىڭعايلى بولۋ ءۇشىن كونسەرت وتەتىن ورىنعا ارنايى اۆتوبۋستار ۇيىمداستىرىلادى.

كورەرمەندەردىڭ قاۋىپسىزدىگى مەن جايلىلىعىن قامتاماسىز ەتۋ، سونداي-اق جول كەپتەلىسىن بولدىرماۋ ماقساتىندا اۆتوبۋستار بىرنەشە ورىننان اتتاناتىن بولادى. ناقتىراق ايتقاندا:

1. سالتانات سارايى؛

2. «ازىرەت سۇلتان» مەشىتى؛

3. باس مەشىت.

ءىس-شارا وتەتىن ورىنعا جەكە كولىكپەن كىرۋگە تىيىم سالىنادى. ارنايى اۆتوبۋستارمەن جول ءجۇرۋ كونسەرت بيلەتىن كورسەتكەن كەزدە عانا مۇمكىن بولادى.

اۆتوبۋستار ساعات 17.00 دەن باستاپ قاتىنايتىن بولادى.