استانادا وسى دەمالىس كۇندەرى اۋىل شارۋاشىلىعى جارمەڭكەلەرى باستالادى

استانا. KAZINFORM - استانادا ەلىمىزدىڭ وڭىرلەرىنەن تاۋار وندىرۋشىلەردىڭ قاتىسۋىمەن اۋىل شارۋاشىلىعى ونىمدەرىنىڭ جارمەڭكەلەرى باستالادى. ولار ءار سەنبى مەن جەكسەنبىدە 27-قازانعا دەيىن وتەدى، دەپ حابارلايدى ەلوردا اكىمدىگىنىڭ رەسمي سايتى.

21-قىركۇيەكتە باستالاتىن جارمەڭكەدە ەلوردادا ءوز ونىمدەرىن ءبىرىنشى بولىپ اقتوبە، اتىراۋ جانە جامبىل وبلىستارىنىڭ اگرارشىلارى ۇسىنادى. ولار ەت، بالىق، ءسۇت، ازىق-تۇلىك ونىمدەرىن، سونداي-اق كوكەنىستەر مەن جەمىستەردى تىكەلەي فەرمەرلەردەن ۇسىنادى. بۇل ازىق-تۇلىكتىڭ قولجەتىمدىلىگىن ارتتىرۋعا دا، وتاندىق ءوندىرۋشىنى قولداۋعا دا ىقپال ەتەدى.

ءۇش وبلىستىڭ اۋىل شارۋاشىلىعى تاۋارىن وندىرۋشىلەر استاناعا 125 توننا ەت جانە ەت ونىمدەرىن، 250 توننا كوكەنىستەر مەن جەمىستەردى، 26 توننا ءسۇت ونىمدەرىن، 22 توننا بالىق، 26 مىڭ جۇمىرتقا، 2 توننا نان-توقاش ونىمدەرىن جانە 60 توننا وزگە دە ازىق-تۇلىك ونىمدەرىن اكەلەدى.

جارمەڭكە بارىسىندا كونسەرتتىك باعدارلاما دا ۇيىمداستىرىلادى.

ايتا كەتەيىك، بيىل جارمەڭكە «قازانات» يپپودرومىنا قاراما-قارسى، قارقارالى تاس جولىندا وتەدى. سونداي-اق ەلوردا تۇرعىندارى مەن قوناقتارىنا ىڭعايلى بولۋى ءۇشىن جارمەڭكەلەردى وتكىزۋ كەزەڭىندە № 18، 37، 303 جانە 323 اۆتوبۋس مارشرۋتتارى قامتاماسىز ەتىلەدى.

اۋىلشارۋاشىلىق جارمەڭكەسى ساعات 9.00 دەن 18.00 گە دەيىن جۇمىس ىستەيدى.