استانادا ورتالىق ازياداعى ەڭ ءىرى روبوتوتەحنيكا چەمپيوناتى وتەدى

استانا. KAZINFORM - بيىل اقپاننىڭ 23-25 ءى استانادا Central Asia FIRST Championship رەسمي چەمپيوناتى وتەدى. وعان الەمنىڭ 10 ەلىنەن 3000 نان استام وقۋشى قاتىسادى.

قاتىسۋشىلار اراسىندا كوپتەگەن مەملەكەتتەردەن كوماندالار، ونىڭ ىشىندە گونكونگ، ب ا ءا، تۇركيادان كەلەتىن وقۋشىلار بار. قازاقستاندى ىرىكتەۋ چەمپيوناتتارى بارىسىندا كۆوتا العان 200 كوماندا تانىستىرادى.

«مۇنداي كولەمدەگى روبوتوتەحنيكا بويىنشا چەمپيونات قازاقستاندا العاش رەت وتەدى. بىلتىر چەمپيوناتقا 1200 گە جۋىق وقۋشى قاتىستى، بيىل قاتىسۋشىلار سانى 2,5 ەسە كوپ. ءبىز بالالارىمىز باسەكەلەستىكتى سەزىنۋى ءۇشىن حالىقارالىق مىقتى كوماندالاردى شاقىردىق»، - دەپ ءبولىستى USTEM Foundation قورىنىڭ نەگىزىن قالاۋشى نۇرداۋلەت دوسماعامبەت.

مەكتەپ وقۋشىلارى ءۇش نەگىزگى جاس ساناتى بويىنشا باق سىنايدى: FLL Explore (6-10 جاس)، FLL Challenge (10-16 جاس) جانە FIRST Tech Challenge (12-18 جاس). چەمپيوناتتا روبوتتار ويىنىنان باسقا يننوۆاتسيالىق جوبالار بايقاۋى مەن تورەشىلەر سەسسيالارى قامتىلادى.

Central Asia FIRST Championship جەڭىمپازدارىنىڭ حالىقارالىق جارىستارعا قاتىسۋعا ليسەنزيالار، باعالى سىيلىقتار جانە قازاقستاندىق ءارى شەتەلدىك جوعارى وقۋ ورىندارىنا گرانتتار الۋعا مۇمكىندىكتەرى بولادى.

ۇيىمداستىرۋشىلار: ق ر وقۋ-اعارتۋ مينيسترلىگىنىڭ جان-جاقتى قولداۋىمەن USTEM Foundation جانە «دارىن» رەسپۋبليكالىق عىلىمي- پراكتيكالىق ورتالىعى.

اۆتور

اسحات رايقۇل