استانادا ونلاين فورماتتا جۇمىس جارمەڭكەلەرى وتەدى

استانا. KAZINFORM - ەرتەڭ ەلوردادا بوس جۇمىس ورىندارىن ۇسىناتىن ەكى جارمەڭكە وتەدى. بۇل تۋرالى استانا قالاسى اكىمدىگىنىڭ «ەڭبەك موبيلدىلىگى ورتالىعى» ك م م ديرەكتورى ولجاس ومار ءمالىم ەتتى.

«18-شىلدە كۇنى ونلاين فورماتتا ەكى جۇمىس جارمەڭكەسى وتەدى. ءبىرىنشىسى ساعات 11:00-دە «قازمۇنايگاز» ا ق كومپانيالار توبى ۇيىمداستىرۋىمەن مۇگەدەكتىگى بار جاندارعا ارنالعان بوس جۇمىس ورىندارى جارمەڭكەسى. ول جەردە كومپانيالاردىڭ رەسمي وكىلدەرى بوس جۇمىس ورىندارى تۋرالى ايتادى. ەكىنشى جۇمىس جارمەڭكەسى بارلىق ساناتتاعى ازاماتتارعا ارنالعان. ول ساعات 09:00-دەن 17:00-گە دەيىن «Enbek.kz» پورتالىندا وتەدى. وعان قاتىسۋ ءۇشىن بۇگىن tanda.enbek.kz تىركەلۋى قاجەت»، - دەدى ولجاس ومار استانا قالاسىنىڭ كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ايتا كەتسەك، ەندى استانادا جۇمىس بەرۋشىلەر قاجەتتى مامانداردى دايارلاۋعا ءوتىنىم بەرە الادى.

اۆتور
داۋلەت ىزتىلەۋ