استانادا تەرەزەنى شاعىپ، كومپيۋتەرلەردى سىندىرعان ۆاندالدار جازاعا تارتىلدى

استانا. KAZINFORM - ەلوردادا ۆانداليزم اكتىلەرىمەن جانە قوعامدىق ءتارتىپتى بۇزۋدىڭ كەز كەلگەن جاعدايىمەن كۇرەسۋ بويىنشا تۇراقتى جۇمىس جۇرگىزىلۋدە. پوليتسەيلەر كەزەكتى ۆاندالداردى تاۋىپ، جاۋاپكەرشىلىككە تارتتى، دەپ حابارلايدى استانا اكىمدىگىنىڭ رەسمي سايتى.

ماسەلەن، 19-قازان كۇنى ساعات 16:50 شاماسىندا ابىلاي حان داڭعىلىندا ماس كۇيىندە جۇرگەن 30 جاستاعى ەر ادام كولىكتىڭ اينەگىنە ادەيى سىندىرعان. ول ءوزىنىڭ ءىس-ارەكەتىمەن 400000 تەڭگە شىعىن كەلتىردى.

تاعى ءبىر وقيعا كۇيشى دينا كوشەسىندە ورنالاسقان «قازپوشتا» فيليالىندا بولدى، 39 جاستاعى استانالىق جانجال كەزىندە قۇرىلعىنى لاقتىرىپ، كومپيۋتەردى سىندىرۋ ارقىلى ماتەريالدىق شىعىن كەلتىردى.

ەكى بۇزۋشى دا تابىلىپ، اكىمشىلىك جاۋاپكەرشىلىككە تارتىلدى.

استانادا «توقتا، ۆاندال» اكسياسى اياسىندا كۇندىزگى جانە تۇنگى رەيدتەر، سونداي-اق تۇرعىندار اراسىندا قوعامدىق ءتارتىپتى ساقتاۋدىڭ جانە قالا مۇلكىنە ۇقىپتى قاراۋدىڭ ماڭىزدىلىعى تۋرالى ءتۇسىندىرۋ جۇمىستارى جۇرگىزىلىپ جاتىر.

اكسيانىڭ ماقساتى - ۆانداليزمنىڭ كەز كەلگەن جاعدايىن بولدىرماۋ جانە ەلوردادا تازالىق پەن ءتارتىپتى ساقتاۋ.

اكتسياعا ەرىكتىلەر، بەلسەندىلەر، تانىمال سپورتشىلار، قوعام قايراتكەرلەرى جانە قالا تۇرعىندارى قوسىلىپ، پروفيلاكتيكالىق جۇمىستار جۇرگىزىلۋدە.

جىل باسىنان بەرى سوت 260 قا جۋىق ادامدى بوتەننىڭ مۇلكىن قاساقانا بۇلدىرگەنى، جالپى پايدالانۋ ورىندارىن لاستاعانى، عيماراتتار مەن تۇرعىن ءۇي-جايلاردى بۇلدىرگەنى ءۇشىن جازالادى. ولاردىڭ بارلىعى جاۋاپقا تارتىلدى.

ۆانداليزمنىڭ الدىن الۋ جۇمىسى قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن جۇرگىزىلەدى.