تەكسەرىس بارىسىندا كوپتەگەن زاڭ بۇزۋشىلىقتار بەلگىلى بولدى. ناقتىراق ايتار بولساق، ەش باقىلاۋسىز ەت وتكىزەتىن سۋبەكتىلەردىڭ جۇمىس ىستەيتىنى انىقتالعان. ەتتى تالاپقا ساي تاسىمالداماۋ، قاۋىپتى جۇقپالى اۋرۋلار بويىنشا جوسپارلى ۆەتەريناريالىق ءىس-شارالاردى ورىنداماۋ، سونداي-اق ىشكى ساۋدا وبەكتىلەرىندە ورنالاسقان ۆەتەريناريالىق زەرتحانالاردىڭ وزىندە زاڭ بۇزۋشىلىقتار بارى بەلگىلى بولدى.
«قالا بويىنشا ۆەتەريناريالىق-سانيتاريالىق باقىلاۋدان وتپەگەن مال شارۋاشىلىعى ونىمدەرىن ساتاتىن جۇزدەن استام باقىلانبايتىن سۋبەكتىلەر جۇمىس ىستەيدى»، - دەلىنگەن حابارلامادا.
بارلىق زەرتحانالاردا ۆەتەريناريالىق- سانيتاريالىق جاعدايدىڭ ساقتالمايتىنى انىقتالعان. ءتىپتى كەيبىر زەرتحانالار ۆەتەريناريالىق-سانيتاريالىق قورىتىندىسىز قىزمەتىن جۇزەگە اسىرىپ وتىرعان.
پروكۋرورلىق قاداعالاۋ اكتىلەرى بويىنشا كىنالى تۇلعالار اكىمشىلىك جاۋاپكەرشىلىككە، مەملەكەتتىك كاسىپورىننىڭ لاۋازىمدى تۇلعاسى تارتىپتىك جاۋاپكەرشىلىككە تارتىلدى.
اۆتور
باقىتگۇل اباي قىزى