استانادا تۇنگى اۆتوبۋستار توقتايدى

استانا. قازاقاپارات - City Transportation Systems تۇنگى مارشرۋتتاعى اۆتوبۋستار توقتايتىنىن حابارلادى.

وقۋ جىلى باستالىپ، جولاۋشىلار سانىنىڭ ارتۋىنا بايلانىستى، سونداي-اق، قالالىق باعدارلاردا تۇنگى اۆتوبۋستاردى پايدالانۋ تيىمدىرەك بولاتىنىن ەسكەرە كەلە تۇنگى ماۋسىمدىق باعدارلار قوزعالىسىن 14-قىركۇيەك سەنبىدەن 15-قىركۇيەك جەكسەنبىگە قاراعان ءتۇنى توقتاتۋ جونىندە شەشىم قابىلداندى.

ايتا كەتسەك، № 201، 202 جانە 203 تۇنگى باعدارلارى ىسكە قوسىلعان كۇننەن باستاپ 21116 جولاۋشى تاسىمالدادى.

№ 201 باعدارمەن 10534 جولاۋشى،
№ 202 باعدار - 5061 ادام جانە
№ 203 باعداردا 5521 جولاۋشى ءجۇردى.
سالىستىرار بولساق، وسى كەزەڭدە ءبىر قالالىق باعدارمەن ورتا ەسەپپەن 500 مىڭعا جۋىق جولاۋشى ءجۇردى، بۇل - تۇنگى باعدارلارعا قاراعاندا الدەقايدا كوپ كورسەتكىش.

تۇنگى باعدارلاردىڭ الداعى ۋاقىتتاعى جۇمىسىن جوسپارلاۋ ءۇشىن ساۋالناما جۇرگىزىلەدى.

cts_kz Instagram پاراقشاسىنىڭ پروفيلىندەگى سىلتەمەگە ءوتىپ، ساۋالاناماعا قاتىسىڭىز.