استانادا ەسىرتكى جارناماسىن تاراتقان ايەل سوتتالدى

استانا. KAZINFORM - استانادا 28 جاستاعى ايەل ەسىرتكى قۇرالدارى مەن پسيحوتروپتىق زاتتاردى، ولاردىڭ انالوگتارى مەن پرەكۋرسورلارىن جارنامالاۋمەن اينالىسقان.

باس پروكۋراتۋرا مالىمەتىنشە، ول قالاداعى كوپشىلىك پايدالاناتىن ورىندارعا: كوشە باعاندارىنا، جول بەلگىلەرىنە، سىرتقى كونديتسيونەرلەرگە، كىرەبەرىس ەسىكتەرىنە، شلاگباۋمدارعا جانە باسقا دا كوزگە كورىنەتىن جەرلەرگە QR- كودى بار ستيكەرلەردى جاپسىرعان. فوتوسالوننان تىيىم سالىنعان زاتتار ساتىلاتىن ينتەرنەت-پلاتفورماعا اپاراتىن ءارقايسىسىندا 4 QR- كود جاسىرىلعان 116 ستيكەر باسىپ شىعارعان.

اتالعان زاڭسىز ارەكەتتەردى پوليتسيا قىزمەتكەرلەرى قالا بويىنشا ورنالاستىرىلعان بەينەباقىلاۋ كامەرالارى ارقىلى انىقتالدى.

مەملەكەتتىك ايىپتاۋشى سوتقا ونىڭ كىناسىن دالەلدەيتىن جەتكىلىكتى ايعاقتار ۇسىندى.

سوت ۇكىمىمەن وعان 3 جىل مەرزىمگە باس بوستاندىعىنان ايىرۋ جازاسى تاعايىندالدى.

ۇكىم زاڭدى كۇشىنە ەندى.

قالا پروكۋراتۋراسى ەسىرتكى قۇرالدارىن، پسيحوتروپتىق زاتتاردى نەمەسە سول تەكتەستەردى، پرەكۋرسورلاردى ناسيحاتتاۋ نەمەسە زاڭسىز جارنامالاۋ مۇلكى تاركىلەنىپ، التى جىلعا دەيىنگى مەرزىمگە باس بوستاندىعىنان ايىرۋ تۇرىندەگى قىلمىستىق جاۋاپكەرشىلىككە اكەپ سوعاتىنىن ەسكەرتتى.

ايتا كەتەيىك، اتىراۋدا ەسىرتكى وسىرۋگە ارنالعان فيتوزەرتحانا انىقتالدى.