استانادا «ساتىپ الۋ قۇقىعىمەن جالعا بەرىلەتىن تۇرعىن ءۇي» باعدارلاماسى بويىنشا كونكۋرسقا كىمدەر قاتىسا الادى

استانا. KAZINFORM - استانا قالاسىنىڭ تۇرعىن ءۇي ورتالىعى «قازاقستاندىق تۇرعىن ءۇي كومپانياسى» ا ق جەلىسى بويىنشا «ساتىپ الۋ قۇقىعىمەن جالعا بەرىلەتىن تۇرعىن ءۇي» باعدارلاماسى بويىنشا كونكۋرسقا قاتىسۋعا وتىنىمدەردى قابىلداۋدى باستايدى، دەپ جازدى ەلوردا اكىمدىگىنىڭ رەسمي سايتى استانا قالاسى تۇرعىن ءۇي جانە تۇرعىن ءۇي ينسپەكسياسى باسقارماسىنا سىلتەمە جاساپ.

وتىنىمدەردى قابىلداۋ birge.astana.kz پورتالى ارقىلى ەلەكتروندىق تۇردە جۇزەگە اسىرىلادى.

وتىنىمدەردى قابىلداۋ ۋاقىتى: 2024-جىلى 28-تامىز كۇنى ساعات 09:00 دەن باستاپ، 2024-جىلى 3-قىركۇيەك كۇنى ساعات 23:59 (قوسا العاندا) دەيىن.

بۇل باعدارلاماعا «مەملەكەتتىك قىزمەتشىلەر، بيۋجەتتىك ۇيىمداردىڭ قىزمەتكەرلەرى، اسكەري قىزمەتشىلەر، عارىشكەرلىككە كانديداتتار، عارىشكەرلەر، ارناۋلى مەملەكەتتىك ورگانداردىڭ قىزمەتكەرلەرى جانە مەملەكەتتىك سايلانبالى لاۋازىمداردى اتقاراتىن ادامدار» ساناتى بويىنشا استانا قالاسىندا تۇرعىن ۇيگە كەزەكتە تۇرعان ازاماتتار عانا قاتىسا الادى.