استانادا ەرىكتى اتا-اجەلەر 5- دۇنيەجۇزىلىك كوشپەندىلەر ويىندارىنىڭ ۇيىمداستىرۋ جۇمىسىنا اتسالىستى
استانا. KAZINFORM - استانادا ۆولونتەر اتا-اجەلەر 5- دۇنيەجۇزىلىك كوشپەندىلەر ويىندارىنىڭ ۇيىمداستىرۋ جۇمىستارىنا اتسالىسىپ ءجۇر. بۇل تۋرالى ەلوردا اكىمدىگىنىڭ رەسمي سايتى جازدى.
كوشپەندىلەر ويىنىنا تارتىلعان ۆولونتەرلەر اراسىندا نۇرا اۋدانى بويىنشا ب ۇ ءو س و-نىڭ 20 عا جۋىق ەرىكتى اتا-اجەلەر دە بار.
«كۇمىس ەرىكتىلەر» كلۋبىنىڭ اجەلەرى ەلىمىزدە ءوتىپ جاتقان تاريحي وقيعاعا بەلسەنە اتسالىپ، «ۇلى دالا ءدۇبىرى» كوشپەندىلەر ويىنىنىڭ قوناقتارىن قارسى الۋ جۇمىسىن ۇيىمداستىرعان.
ەرىكتى اتا-اجەلەر تاڭعى ساعات 10-نان باستاپ بەلگىلەنگەن نىسانداردا ىشكى ءتارتىپ جۇمىستارىن جۇرگىزدى. ەتنواۋىلداعى كورەرمەندەر مەن قالا قوناقتارىنا ويىننىڭ باعدارلاماسى مەن نىسانداردىڭ ورنالاسۋى بويىنشا انىقتامالىق كومەكتەر كورسەتىپ، قوعامدىق ءتارتىپتىڭ ساقتالۋىنا ءوز ۇلەستەرىن قوستى.
ەرىكتى ءلاززات دۇيسەباي قىزى باستاعان «كۇمىس ەرىكتىلەر» كلۋبى رەسەي مەن برازيليادان كەلگەن ەرىكتىلەرمەن بىرلەسىپ، 36 نىساننىڭ اۋماعىندا قىزمەت كورسەتەدى.