استانادا رامازان ايىندا 5 مەشىتكە تۇنگى اۆتوبۋستار قاتىنايدى
استانا. KAZINFORM - ەلوردادا 11-ناۋرىزدان باستاپ قاسيەتتى رامازان ايىنا وراي ارنايى اۆتوبۋستار جۇرەتىنىن حابارلاندى.
حالىققا ىڭعايلى بولۋ ءۇشىن قالانىڭ 5 مەشىتىنەن بىرنەشە باعىتتا 15 اۆتوبۋس جۇرەدى.
رەسپۋبليكالىق باس مەشىت:
- سەليننىي شاعىن اۋدانى
- ەسۋ ارناسى؛
- رەسپۋبليكا داڭعىلى
ازىرەت سۇلتان مەشىتىنىڭ باعىتتارى:
- سپۋتنيك سۋپەرماركەتى؛
- تەمىرجول ۆوكزالى؛
- كوكتال-1,2
ءابۋ ناسىر ءال-فارابي مەشىتى:
- كوكتال-1،2؛
- تەمىرجول ۆوكزالى؛
- مەدكوللەدج.
ءسادۋاقاس قاجى عىلماني مەشىتى:
- كوكتال-1,2
- كيرپيچنىي.
راحىم قىزى رايسا انا مەشىتىنىڭ باعىتتارى:
- راحمەت س و.
باعدارلار 21:30-دان 23:00-گە دەيىن جۇرەدى.
جول ءجۇرۋ قۇنى- 90 تەڭگە. قوزعالىس سىزباسى سۋرەتتە كورسەتىلگەن.
ەستەرىڭىزگە سالا كەتەيىك، جول اقىسىن تولەۋدىڭ جاڭا جۇيەسىنە كوشۋگە جانە ديسپەتچەرلەۋدى جاڭعىرتۋعا بايلانىستى اقپاراتتىق تابلولار ۋاقىتشا جۇمىس ىستەمەيدى.
باعدارلار قوزعالىسى تۋرالى اقپاراتتى Avtobys ،2GIS جانە ياندەكس كارتالارى قوسىمشالارىنان قاراۋعا بولادى.
اۆتور
جانات قاپالبايەۆا