استانادا قورعالجىن تاسجولىنىڭ ءبىر بولىگى جابىلدى
10:46, 14 - قىركۇيەك 2024
استانا. KAZINFORM - ەلوردادا تاعى ءبىر جولدا كولىك قوزعالىسىنا تىيىم سالىندى.
استانا قالاسىنىڭ كولىك جانە جول- كولىك ينفراقۇرىلىمىن دامىتۋ باسقارماسى قورعالجىن تاسجولىنىڭ تۇران داڭعىلىنا جاقىنداعاندا وڭ جاعىنداعى جول توسەمىندە جوندەۋ جۇمىسى جۇرگىزىلەتىنىن حابارلايدى.
وسىعان بايلانىستى 14-15-قىركۇيەك ارالىعىندا جوعارىدا اتالعان ۋچاسكە ءىشىنارا جابىلادى.
بۇل رەتتە اۆتوكولىك قۇرالدارىنىڭ قوزعالىسى قوسا بەرىلگەن سحەماعا سايكەس ۇيىمداستىرىلادى.
«ەلوردا تۇرعىندارى مەن قوناقتارىنان قالا جولدارىندا كەپتەلىس بولماس ءۇشىن ءوز مارشرۋتىن الدىن الا جوسپارلاۋدى سۇرايمىز. ۋاقىتشا قولايسىزدىق ءۇشىن كەشىرىم سۇرايمىز جانە جول-قۇرىلىس جۇمىسىن جۇرگىزۋگە تۇسىنىستىكپەن قاراۋدى وتىنەمىز» دەپ ەسكەرتەدى اكىمدىكتەن.