استانادا قۇربان ايتتا قۇرباندىق شالۋ ورىندارى انىقتالدى

استانا. KAZINFORM - قۇربان ايت مەرەكەسى قارساڭىندا ەلوردالىق بازارلاردا قۇرباندىق شالۋ ورىندارىندا سانيتارلىق نورمالاردىڭ ساقتالۋىن تەكسەردى، دەپ حابارلايدى استانا اكىمدىگىنىڭ رەسمي سايتى.

بيىل 17-19-ماۋسىم ارالىعىندا اتالىپ وتەتىن قاسيەتتى قۇربان ايت مەرەكەسىن اتاپ وتۋگە بايلانىستى استانا اكىمدىگى قۇرباندىق شالۋ ورىندارىن بەلگىلەدى:

- «شاڭحاي» بازارى
- «باراكات» بازارى (ا-369 كوشەسى، 10)
- «جايلاۋ» بازارى (س-754 كوشەسى، عيمارات. 1)
- «شولپان-اتا» بازارى («الاش» تاس جولى، 27/2)
- تەمىر جول ج م (اقجار كوشەسى، 20).

ايتا كەتەيىك، اۋىل شارۋاشىلىعى جانۋارلارىنىڭ يەلەرى، سويۋ ورىندارىنىڭ ساتۋشىلارى مەن يەلەرى ق ر اۋىل شارۋاشىلىعى مينيسترلىگىنىڭ 2015 -جىلعى 27-ساۋىردەگى № 7-1/370 بۇيرىعىمەن بەكىتىلگەن ۆەتەريناريالىق-سانيتاريالىق تالاپتاردى ساقتاۋدى سۇرايدى.

ماسەلەن، اۋىل شارۋاشىلىعى جانۋارلارىن سويۋ ەرەجەگە سايكەس بەرىلەتىن ەسەپكە الۋ نومىرلەرى بار سويۋ پۋنكتتەرىندە، ەت وڭدەۋ كاسىپورىندارىندا نەمەسە سويۋ الاڭدارىندا جۇرگىزىلۋى ءتيىس.

«بۇگىن ءبىز ۆەتەريناريالىق-سانيتاريالىق تالاپتاردىڭ ساقتالۋىن تالقىلاۋ ءۇشىن سويۋ نىساندارىنىڭ يەلەرىمەن كەزدەسۋ وتكىزدىك. 2 ساناتتاعى رۇقسات قۇجاتتارى جوق جەرلەردە جانۋارلاردى سويۋعا تىيىم سالىنادى»، - دەپ اتاپ ءوتتى مەملەكەتتىك ۆەتەريناريالىق-سانيتاريالىق ينسپەكتور، باس مامان مەلس قاينۋلدايەۆ.

ايتا كەتەيىك، بيىل قۇربان ايت مەرەكەسىنىڭ باستالۋى 17-ماۋسىم، دۇيسەنبىگە كەلەدى.

اۆتور
ايدار وسپانالي