استانادا قازاق-قىتاي جوبالارى جۇزەگە اسىرىلىپ جاتىر

استانا. KAZINFORM - استانا اكىمى جەڭىس قاسىمبەك قىتايلىق سەرىكتەستەرمەن بىرنەشە ستراتەگيالىق كەلىسىمگە قول قويىلعانىن باياندادى، دەپ حابارلايدى ۇكىمەتتىڭ باسپا ءسوز قىزمەتى.

ولاردىڭ قاتارىندا وسى كۇزدە LRT- نى سىناق رەجيمىندە ىسكە قوسۋ، قۇنى $150 ميلليون بولاتىن لوگيستيكالىق پارك قۇرىلىسى، Huawei كومپانياسىنىڭ 10G جەلىسىن ەنگىزۋ جانە قۇنى $1,3 ميللياردتى قۇرايتىن سۋ قۇبىرىنىڭ قۇرىلىسى بار.

- LRT قۇرىلىس جوباسى بويىنشا پايدالانۋعا بەرۋ، كۇتىپ ۇستاۋ جونىندەگى مەموراندۋمعا قول قويىلدى. ءبىز نىساندى وسى كۇزدە، ياعني، قىركۇيەك ايىندا سىناق رەجيمىندە ىسكە قوسۋدى جوسپارلاپ وتىرمىز. قازىرگى تاڭدا اتالعان سالا بويىنشا 150-گە جۋىق قازاقستان ازاماتى قىتايدا كاسىبي ءبىلىمىن جەتىلدىرىپ، تاعىلىمدامادان ءوتىپ جاتىر. مەموراندۋم قىتايلىق سەرىكتەستەرمەن بىرلەسىپ، جەڭىل رەلستى كولىك جۇيەسىن پايدالانۋدى كوزدەيدى»، - دەدى اكىم.

سونداي-اق $60 ميلليونعا Soho Holding قوناقۇي كەشەنىن جانە  $230 ميلليونعا قوقىس ورتەۋ زاۋىتىن سالۋ بويىنشا قۇجاتتارعا قول قويىلدى.