استانادا ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى باستالدى

استانا. KAZINFORM - ەلوردادا ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ كەزەكتى سەسسياسى باستالدى.

جيىنعا قازاقستان پرەزيدەنتى قاسىم-جومارت توقايەۆ، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون جانە رەسەي پرەزيدەنتى ۆلاديمير پۋتين ۇ ق ش ۇ باس حاتشىسى يمانعالي تاسماعامبەتوۆ قاتىسىپ وتىر.

سونداي-اق، ءىس-شاراعا ت م د باس حاتشىسى سەرگەي لەبەديەۆ پەن ش ى ۇ باس حاتشىسى جاڭ مين شاقىرتۋ العان.

بۇعان دەيىن تاراعان رەسمي حابارلامادا ارمەنيا وكىلدەرىنىڭ ەسىمدەرى اتالعان جوق. ال ارمەنيا س ءى م باسپا ءسوز حاتشىسى اني باداليان ارمەنپرەسس اگەنتتىگىنە ەلدىڭ سىرتقى ىستەر ءمينيسترى ارارات ميرزويان سىرتقى ىستەر مينيسترلەرى كەڭەسى مەن قورعانىس مينيسترلەرى كەڭەسىنىڭ، ۇ ق ش ۇ-عا مۇشە ەلدەردىڭ قاۋىپسىزدىك كەڭەستەرى حاتشىلارى كوميتەتىنىڭ وتىرىسىنا قاتىسپايتىنىن مالىمدەگەن بولاتىن.

ايتا كەتۋ كەرەك، قازاقستان 2024 -جىلدىڭ 1-قاڭتارىندا ۇ ق ش ۇ-عا ءتوراعالىق تىزگىنىن العان بولاتىن.

قازاقستاننىڭ ۇيىمعا ءتوراعالىعى كەزىندە، ناقتى ايتساق، 18-قاراشا كۇنى ب ۇ ۇ باس اسسامبلەياسىنىڭ 79-سەسسياسى بارىسىندا بىرىككەن ۇلتتار ۇيىمى مەن ۇجىمدىق قاۋىپسىزدىك شارتى ۇيىمى اراسىنداعى ىنتىماقتاستىق تۋرالى قارار قابىلداندى.

قۇجاتتا ۇ ق ش ۇ ءوزىنىڭ بىتىمگەرشىلىك الەۋەتىن جانە وڭىرلىك قاۋىپسىزدىك پەن تۇراقتىلىق جۇيەسىن نىعايتۋعا، تەرروريزمگە جانە ۇيىمداسقان ترانسۇلتتىق قىلمىسقا قارسى ءىس-قيمىلعا، ەسىرتكى مەن قارۋدىڭ زاڭسىز اينالىمىنا، زاڭسىز كوشى-قون مەن ادام ساۋداسىنا قارسى كۇرەسكە جانە بىرىككەن ۇلتتار ۇيىمىنىڭ ماقساتتارى مەن ەرەجەلەرىن ىسكە اسىرۋعا جاردەمدەسەتىن تابيعي جانە تەحنوگەندىك اپاتتاردىڭ سالدارىن جويۋعا ەلەۋلى ۇلەس قوساتىنى اتاپ كورسەتىلگەن.

اۆتور
ەسىمجان ناقتىباي