استانادا موپەدشى كاماز-عا سوعىلىپ قايتىس بولدى

استانا. KAZINFORM - ەلوردا تۇرعىنى موپەد رۋلىن باسقارا الماي كاماز- عا سوعىلعان. بۇل تۋرالى استانا قالالىق پوليتسيا دەپارتامەنتى حابارلادى.

«25- تامىزدا ساعات 21:14 شاماسىندا موپەد جۇرگىزۋشىسى قابانباي باتىر داڭعىلىنان اقمەشىت كوشەسىنە قاراي سارايشىق كوشەسىمەن كەلە جاتىپ، رۋلدى باسقارا الماي، تۇرعان «كاماز» اۆتوكولىگىنە سوقتى. اپات سالدارىنان موپەد جۇرگىزۋشىسى وقيعا ورنىندا قايتىس بولدى»، - دەلىنگەن ەلوردا پوليتسياسىنىڭ باسپا ءسوز قىزمەتى تاراتقان اقپاراتتا.

اتالعان فاكتى بويىنشا قىلمىستىق ءىس قوزعالدى، تەرگەۋ ءجۇرىپ جاتىر.

ايتا كەتەيىك، ىشكى ىستەر مينيسترلىگىنىڭ مالىمەتىنشە، بيىل موپەدتەرگە قاتىستى جول-كولىك وقيعاسىندا 40-تان استام ادام مەرت بولعان.

ەسكە سالا كەتسەك، ءبىر اپتا بۇرىن الماتىدا جارىعى جوق كوشەدە موپەدشى قورشاۋعا سوعىلىپ، مەرت بولدى.

اۆتور

داۋلەت ىزتىلەۋ