استانادا مەملەكەت باسشىسىنىڭ قاتىسۋىمەن قازاقستان سۋديالارىنىڭ سەزى باستالدى

استانا. KAZINFORM - بۇگىن ەلوردادا ق ر پرەزيدەنتى قاسىم-جومارت توقايەۆتىڭ قاتىسۋىمەن قازاقستان رەسپۋبليكاسى سۋديالارىنىڭ IX سەزى باستالدى.

شاراعا سۋديالار كورپۋسى، پارلامەنت دەپۋتاتتارى، ورتالىق مەملەكەتتىك ورگانداردىڭ باسشىلارى، سونداي-اق زاڭگەرلەر قاۋىمداستىعى، حالىقارالىق ۇيىمدار مەن ۇەۇ وكىلدەرى شاقىرىلدى. جالپى 500-دەن استام دەلەگات پەن فورۋم قوناقتارى قاتىسىپ جاتىر.

ايتا كەتەيىك، سۋديالار سەزى ءتورت جىلدا ءبىر وتكىزىلەدى، ياعني سوت جۇيەسى مەن سۋديالار قاۋىمداستىعىنىڭ ماسەلەلەرىن تالقىلاپ، الداعى ستراتەگيالىق مىندەتتەردى ايقاندايتىن ماڭىزدى الاڭ.

ەسكە سالساق، 2020 -جىلى قازاقستان رەسپۋبليكاسى سۋديالارىنىڭ VIII سەزىنە مەملەكەت باسشىسى قاسىم-جومارت توقايەۆ قاتىستى.

اۆتور
رۋسلان عابباسوۆ