استانادا ماگيستراتۋراعا تۇسپەك بولعان 10 ادام الاياققا الداندى
استانا. KAZINFORM - استانادا ماگيستراتۋراعا تۇسپەك بولعان 10 تۇرعىن الاياققا الداندى، - دەپ حابارلايدى Polisia.kz.
بۇگىنگى كۇنى پوليتسياعا 10 جابىرلەنۋشى ارىزبەن جۇگىنگەن. اقشالاي سىياقى ءۇشىن 23 جاستاعى استانالىق قىز ولارعا ەلوردالىق ۋنيۆەرسيتەتكە تۇسۋگە كومەكتەسەمىن دەپ ۋادە بەرگەن. قىز ۋنيۆەرسيتەتتە تانىستارى بارىن ايتقان.
سونىمەن ماگيستراتۋراعا تۇسە الماي قالعان 9 ستۋدەنت وعان 700 مىڭ تەڭگەدەن تولەگەن، بىرەۋى ۋنيۆەرسيتەتكە ءتۇسۋ ءۇشىن 460 مىڭ تەڭگە تولەگەن.
كليەنتتەردى كۇدىكتى ءوز دوستارى مەن تانىستارى ارقىلى تاپقان. كۇدىكتى الاياقتىق جاساعانىن مويىندادى، پ د ۋاقىتشا ۇستاۋ يزولياتورىنا قامالدى. وعان قاتىستى الاياقتىق فاكتىسى بويىنشا قىلمىستىق ءىس تىركەلدى. سونداي-اق ونىڭ ەلوردا اۋماعىندا وسىعان ۇقساس قىلمىستار جاساۋعا قاتىسى بار-جوعى تەكسەرىلىپ جاتىر.