ەلوردادا رۋلگە ماس بولىپ وتىرعان بويجەتكەن تۇرعىن ءۇيدىڭ اۋلاسىندا الدىمەن ادامدى قاعىپ، ودان ءارى تۇراقتاعى ءۇش كولىككە سوعىلدى. سالدارىنان 42 جاستاعى جاياۋ جۇرگىنشى العان جاراقاتىنان وقيعا ورنىندا كوز جۇمدى. Kazinform بۇل تۋرالى استانا قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ حابارلايدى.
جول-كولىك وقيعاسىنىڭ ۆيدەوسى پوليتسيا دەپارتامەنتىنىڭ الەۋمەتتىك جەلىدەگى پاراقشاسىندا جاريالاندى.
«Toyota Camry» كولىگىنىڭ 20 جاستاعى جۇرگىزۋشىسى ۋاقىتشا ۇستاۋ اباقتىسىنا قامالدى.
«جول-كولىك وقيعاسى فاكتىسى بويىنشا استانا قالاسىنىڭ پوليتسيا دەپارتامەنتى ق ر قىلمىستىق كودەكسىنىڭ 345-بابى 3-بولىگى (كولىك قۇرالدارىن باسقاراتىن تۇلعالاردىڭ ابايسىزدا ادام ولىمىنە اكەپ سوققان جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى) بويىنشا قىلمىستىق ءىس قوزعادى. بۇل باپتىڭ سانكسياسى بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپكەرشىلىكتى كوزدەيدى. ءتيىستى ساراپتامالار تاعايىندالدى»، - دەلىنگەن مالىمەتتە.
اۆتور
زارينا تۋعانبايەۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан