استانادا ماس كۇيدە كولىك جۇرگىزگەن ايەل وتىرىك جۇكتى بولىپ كورىنگەن

2024 -جىلدىڭ باسىنان بەرى ەلوردا اۋماعىندا 19459 جول-كولىك وقيعاسى بولسا، ونىڭ ىشىندە ماس كۇيدە - 118، دەپ حابارلايدى El.kz اقپارات اگەنتتىگى.

ەلوردالىق پروكۋراتۋرا باسقارماسىنىڭ باسشىسى سالامات تاڭىربەرگەننىڭ ايتۋىنشا، بۇگىندە ماس كۇيىندە كولىك جۇرگىزۋ جولدارداعى ورەسكەل بۇزۋشىلىقتاردىڭ ءبىرى بولىپ قالىپ وتىر.

كوبىنەسە مۇنداي بۇزۋشىلار ايەل ادامدار بولىپ كەلەدى. قۇقىق بۇزۋشىلار جازادان جالتارۋ ماقساتىندا قىلمىستىق جاۋاپتىلىققا اكەپ سوعاتىن باسقا دا قۇقىققا قارسى ارەكەتتەر جاسايتىن جاعدايلار بار. مىسالى، قالا تۇرعىنى ماس كۇيىندە كولىك جۇرگىزگەنى ءۇشىن قاماۋعا الىنباۋ ماقساتىندا سوتقا جۇكتىلىك تۋرالى انىقتاما بەردى، ول جالعان بولىپ شىقتى، - دەدى باسقارما باستىعى و ك ق بريفينگىندە.

سوت ايەلدى 15 كۇنگە قاماۋعا الىپ، 7 جىلعا كولىك جۇرگىزۋ قۇقىعىنان ايىردى.

سونداي-اق جالعان قۇجاتتى پايدالانۋ فاكتىسى بويىنشا وعان قاتىستى ق ك-نىڭ 385-بابى بويىنشا سوتقا دەيىنگى تەرگەۋ باستالدى.