استانادا ماس كۋرەر كوفەحانانىڭ ەسىگىن قاساقانا زاقىمداعان - ۆيدەو

بۇزاقى جەتكىزىلگەن تاپسىرىستى قابىلداماعانى ءۇشىن كوفەحانانىڭ اينەكتەن جاسالعان ەسىگىن بىرنەشە رەت تەپكىلەپ، ايتارلىقتاي زاقىم كەلتىرىپ كەتكەن. وسى دەرەك بويىنشا ۋچاسكەلىك پوليتسيا ينسپەكتورلارى ماساڭ كۇيدە بولعان 23 جاستاعى ەلوردا تۇرعىنىن انىقتاعان، دەپ حابارلايدى polisia.kz سايتى.

بۇزاقىنىڭ ورەسكەل ارەكەتى بەينەباقىلاۋ كامەرالارىنا ءتۇسىپ قالدى.

وعان قاتىستى ا ق ب ت ك-نىڭ 147-1 بابى 1-بولىگىمەن اكىمشىلىك جاۋاپكەرشىلىك قاراستىرىلىپ، جينالعان ماتەريال شەشىم قابىلداۋ ءۇشىن اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتىنا جولدانعان.

الكوگولدىك ىشىمدىك ىشكەنى نەمەسە ماس كۇيىندە قوعامدىق ورىندارعا شىققانى ءۇشىن قۇقىق بۇزۋشىعا ا ق ب ت ك-نىڭ 440-بابىمەن حاتتاما تولتىرىلعان.