استانادا LRT قۇرىلىسىنا بايلانىستى بىرنەشە جول جابىلادى

استانادا. قازاقپارات - استانادا LRT قۇرىلىسىنا بايلانىستى بىرنەشە جول جابىلادى، - دەپ حابارلايدى قالالىق اكىمدىك.

LRT قۇرىلىسىن جۇرگىزۋ جوسپارىنا سايكەس، سىعاناق كوشەسىندە جول قوزعالىسىن ۇيىمداستىرۋ ۋاقىتشا وزگەرتىلەدى.

استانا قالاسى پوليتسيا دەپارتامەنتىنىڭ كەلىسىمى بويىنشا:

22-مامىردان 20-ماۋسىمعا دەيىن سىعاناق كوشەسىنىڭ قابانباي باتىر داڭعىلىنان قازاق راديوسى كوشەسىنە دەيىنگى ارالىعىنداعى قوزعالىس ءىشىنارا جابىلادى. بۇل رەتتە قابانباي باتىر داڭعىلىنا قاراي قوزعالىس اشىق بولادى؛

24-مامىردان 20-ماۋسىمعا دەيىن تۇركىستان كوشەسىنەن ماڭگىلىك ەل داڭعىلىنداعى كولىك ايرىعىنا دەيىنگى ارالىعىنداعى قوزعالىس جولاقتارىن تارىلتۋ ارقىلى ءىشىنارا شەكتەۋ ەنگىزىلەدى.

«ەلوردا قوناقتارى مەن تۇرعىندارىنان قوزعالىس باعىتىن الدىن الا جوسپارلاۋدى سۇرايمىز، سونداي-اق كەلتىرىلگەن قولايسىزدىق ءۇشىن كەشىرىم سۇرايمىز»، - دەلىنگەن اكىمدىك حابارلاماسىندا.