استانا. KAZINFORM - ەلوردادا جەڭىلدىك ساناتىنداعى ازاماتتارعا LRT كولىك كارتاسىن راسىمدەۋگە ونلاين ءوتىنىم قابىلداۋ باستالدى. كارتانى 7 جاستان 18 جاسقا دەيىنگى وقۋشىلار جانە زاڭناماعا سايكەس جەڭىلدىگى بار، استانادا تىركەلگەن تۇرعىندار الا الادى.
ءوتىنىم transcard.kz سايتى ارقىلى بەرىلەدى. قۇنى - 1200 تەڭگە. دايىن بولعان كەزدە پايدالانۋشىنىڭ تەلەفون نومىرىنە SMS-حابارلاما جىبەرىلەدى. بۇل كارتا تەك LRT جەلىسىمەن جۇرۋگە ارنالعان، ال قوعامدىق كولىكتىڭ باسقا تۇرلەرىندە جارامسىز. وزگە جولاۋشىلارعا جول جۇرۋگە ارنالعان كولىك كارتالارى مەن ءبىر رەتتىك بيلەتتەر LRT ىسكە قوسىلعاننان كەيىن ستانسالاردا قولجەتىمدى بولادى. بۇدان بولەك، كاسساعا جۇگىنبەي تۋرنيكەتتەردەن وتۋگە مۇمكىندىك بەرەتىن بالامالى تولەم تاسىلدەرى دە قاراستىرىلعان.
24.kz
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан