استانادا ەكىنشى اۋىسىمنىڭ وقۋشىلارى قاشىقتان وقيدى

استانا. KAZINFORM - قالالىق ءبىلىم ءبولىمىنىڭ باسپا ءسوز قىزمەتى استانا قالاسىندا ەكىنشى اۋىسىمنىڭ 0-9 سىنىپ وقۋشىلارى ونلاين فورماتتا وقيتىنىن حابارلادى.

- 2024 -جىلعى 7-قاراشا كۇنى اۋا رايىنىڭ قولايسىزدىعىنا بايلانىستى ەكىنشى اۋىسىمنىڭ 0-9-سىنىپ وقۋشىلارى قاشىقتان وقىتۋ فورماتىنا اۋىستىرىلادى، - دەلىنگەن حابارلامادا.

ايتا كەتەيىك، بۇگىن ءبىرىنشى اۋىسىمنىڭ 0-7 سىنىپ وقۋشىلارى قاشىقتان وقىپ جاتىر.

بۇعان دەيىن قاتتى جەلگە بايلانىستى پاۆلودار وبلىسىنىڭ بارلىق ايماعىندا ساباقتار ونلاينعا كوشىرىلگەن ەدى.

سونىمەن قاتار، استانادا اۋا رايىنا بايلانىستى رەيستەر كەشىكتى.

بۇدان بولەك، اقتوبە، اقمولا، قوستاناي، جامبىل، تۇركىستان وبلىستارىندا كولىك قۇرالدارىنىڭ بارلىق تۇرلەرىنىڭ قوزعالىسى جابىلعانىن جازعان بولاتىنبىز.