استانا. KAZINFORM - ەلوردادا كەشەدەن بەرى ايازدىڭ بەتى قايتپاي تۇر. سول سەبەپتى وقۋشىلار ونلاين فورماتقا كوشىرىلدى. بۇل تۋرالى قالالىق ءبىلىم باسقارماسىنىڭ باسپا ءسوز قىزمەتى حابارلادى.
- 2026 -جىلعى 27-اقپان كۇنى اۋا رايىنىڭ قولايسىزدىعىنا (اۋا تەمپەراتۋراسىنىڭ تومەندەۋىنە) بايلانىستى ەكىنشى اۋىسىمنىڭ 0-9-سىنىپ وقۋشىلارى قاشىقتان وقىتۋ فورماتىنا اۋىستىرىلادى، - دەلىنگەن حابارلامادا.
ايتا كەتەلىك بۇگىن تاڭەرتەڭ اۋا رايىنىڭ قولايسىزدىعىنا (اۋا تەمپەراتۋراسىنىڭ ودان ءارى تومەندەۋى) بايلانىستى ءبىرىنشى اۋىسىمنىڭ 0-11 (12)-سىنىپ وقۋشىلارى جانە كوللەدجدەردىڭ 1-2-كۋرستىڭ ستۋدەنتتەرى (9-سىنىپ بازاسىندا) قاشىقتان وقىتۋ فورماتىنا اۋىستىرىلعان ەدى.
سونىمەن قاتار پاۆلودار وبلىسى، اباي وبلىسى جانە شىعىس قازاقستان وبلىسىنىڭ وقۋشىلارى دا قاشىقتان وقىدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан