استانادا ەكى اۆتوبۋس سوقتىعىستى

استاناداعى سىعاناق پەن تۇران كوشەلەرىنىڭ قيىلىسىندا ادام تولى ەكى اۆتوبۋس سوقتىعىستى، دەپ حابارلايدى turkystan.kz.

بىرنەشە ادام زارداپ شەككەن. اۆتوبۋستار Saad ب و ايالداماسىندا سوعىلعان. ەكى اۆتوبۋس تا 29-شى باعدار بويىنشا كەتىپ بارا جاتقان.

استانانىڭ پوليتسيا دەپارتامەنتى Higer ماركالى اۆتوبۋستىڭ تۇران كوشەسى جاقتان سىعاناق كوشەسىنە كەلە جاتىپ، ايالدامادا تۇرعان اۆتوبۋستى قاققانىن، كوكتايعاقتى ەسكەرمەگەنىن ايتتى.

«اپاتتان ەكى جولاۋشى زارداپ شەكتى. ونىڭ بىرەۋى كامەلەتتىك جاسقا تولماعان. ولار اۋرۋحاناعا جەتكىزىلدى. مەديتسينالىق تەكسەرىس ناتيجەسى بويىنشا پروتسەسسۋالدىق شەشىم قابىلدانادى»، - دەدى پوليتسيا.

وقيعا ورنىندا تۇسىرىلگەن ۆيدەو الەۋمەتتىك جەلىدە تارادى.