ەلوردانىڭ «ارعىماق» ات-سپورتتىق ساۋىقتىرۋ كەشەنىندە تاۋەلسىزدىك كۇنىنە وراي كونكۋردان قازاقستان چەمپيوناتى وتەدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
باعى مەن بابى كەلىسكەن، سىمباتى مەن سىنى، ءجۇرىسى مەن جىلدامدىعى ۇيلەسكەن سايگۇلىكتەر سايىستىڭ ءتورت باعدارى بويىنشا سىنعا تۇسەدى. جارىس 15-جەلتوقسان كۇنى ساعات 10:00 دە باستالادى.
ءتۋرنيردىڭ جالپى جۇلدە قورى 12 ميلليون تەڭگەنى قۇرايدى.
ءىس- شارانى قالا اكىمدىگىنىڭ قولداۋىمەن استانانىڭ ۇلتتىق جانە وليمپيادالىق ات سپورتى تۇرلەرى فەدەراتسياسى ۇيىمداستىرادى.
كورەرمەندەر ءۇشىن كىرۋ تەگىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.