26-جەلتوقساندا تاڭەرتەڭ قالا كوشەلەرىن قاردان تازارتۋعا 2300 دەن استام جول جۇمىسشىلارى مەن 1300 گە جۋىق ارنايى تەحنيكا شىقتى، دەپ حابارلايدى Kazinform ەلوردا اكىمدىگىنىڭ باسپا ءسوز قىزمەتىنە سىلتەمە جاساپ.
جاۋىن-شاشىن كوپ جاۋاتىن ۋاقىتتا ەلوردانىڭ كوممۋنالدىق قىزمەتى كۇشەيتىگەن رەجيمدەگى جۇمىس تارتىبىنە كوشەدى.
ءبىرىنشى كەزەكتە قوعامدىق كولىكتىڭ كەدەرگىسىز قوزعالىسىن قامتاماسىز ەتۋ ءۇشىن نەگىزگى ماگيسترالدەر قاردان تازارتىلادى. ودان ءارى قوزعالىس قارقىنى ورتاشا - الاڭدار، ۆوكزال ماڭى مەن تراتۋارلار قاردان تازارتىلادى.
جاۋىن-شاشىن باستالعالى ەلوردا پوليگونىنا 600 مىڭ تەكشە مەتردەن استام قار شىعارىلدى، بۇل 45 مىڭ رەيستى قۇرايدى.
«قازگيدرومەت» ر م ك مالىمەتىنشە، استانادا 26-جەلتوقساندا بوران، كوكتايعاق بولادى جانە جەلدىڭ ەكپىنى 28 م/س جەتەدى.
ەلوردا قوناقتارى مەن تۇرعىندارىن جولدا اباي بولۋعا، قاۋىپسىزدىك ەرەجەلەرىن ساقتاۋعا شاقىرامىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан