استانادا كۇنىنە 75-80 بالا قىزىلشا جۇقتىرىپ جاتىر

ەلوردادا كۇن سايىن 75-80 بالا قىزىلشا ينفەكسياسىن جۇقتىرىپ اۋرۋحاناعا تۇسۋدە. ونىڭ دەنى - بالالار.

بۇل تۋرالى قالالىق 3№ كوپبەيىندى بالالار اۋرۋحاناسى ديرەكتورىنىڭ ورىنباسارى روزا وتەگەنوۆا ءمالىم ەتتى، دەپ حابارلايدى Kazinform اگەنتتىگى.

«ءبىزدىڭ اۋرۋحاناعا قىزىلشا ينفەكتسياسىمەن كۇنىنە 75-80 گە جۋىق بالا ءتۇسىپ جاتىر. ونىڭ 30-35 پايىزى ستاتسيونارلىق، قالعانى امبۋلاتوريالىق ەم الىپ جاتىر. قىزىلشا جۇقتىرعانداردىڭ كوبىسى 7 جاسقا دەيىنگى بالالار. -15 عانا 7 جاستان اسقاندار جانە  1 جاسقا تولماعان سابيلەر»، - دەدى روزا وتەگەنوۆا استانا قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي-اق، مامان قىزىلشانى جۇقتىرۋدىڭ بىرنەشە سەبەبىن اتادى.

«مىسالى، بالاباقشادان جۇكتىرىپ كەلۋى مۇمكىن، سوسىن ونى ۇيدەگى بالالارعا جۇقتىرۋ قاۋپى بار. قىزىلشا جۇقپالى جانە ونىڭ تارالۋى جوعارى (0). سوندىقتان ۋاقىتىلى ەكپە العان ابزال»، - دەيدى ول.