استانا. KAZINFORM - كەنەسارى حاننىڭ ەسكەرتكىشى قالپىنا كەلتىرىلگەن سوڭ، ەسىل وزەنىنىڭ جاعالاۋىنداعى بۇرىنعى ورنىنا قايتا ورناتىلدى. بۇل تۋرالى قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين Instagram پاراقشاسىندا حابارلادى.
- استاناداعى كەنەسارى حاننىڭ ەسكەرتكىشى جوندەۋ جۇمىستارىنان ءوتىپ، قايتا ورناتىلدى! قازىر ەسكەرتكىش اينالاسىندا اباتتاندىرۋ جۇمىستارى جۇرگىزىلۋدە ، - دەلىنگەن حابارلامادا.
بۇعان دەيىن كەنەسارى حاننىڭ ەسكەرتكىشى قايتا جوندەلەتىنى حابارلانعان بولاتىن.
سول كەزدە جۇرگىزىلگەن ساراپتاما ناتيجەسىندە ەسكەرتكىش ىرگەتاسىنىڭ قيسايعانى جانە ونىڭ قۇلاۋ قاۋپى بار ەكەنى انىقتالعان. رەستاۆراتسيا جۇمىستارى وسى ماسەلەنى شەشۋ جانە مادەني مۇرانى ساقتاۋ ماقساتىندا قولعا الىنعان.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.