استانادا «Kaz Agro-Kaz Farm» اۋىل شارۋاشىلىعى كورمەلەرى ءوتىپ جاتىر
استانا. KAZINFORM - ەلوردادا 20-24-قازان كۇندەرى ارالىعىندا «Kaz Agro - Kaz Farm» اۋىل شارۋاشىلىعى كورمەلەرى ءوتىپ جاتىر. 15 جىل بويى وتكىزىلىپ كەلە جاتقان كورمە - سالا كاسىپقويلارىن بىرىكتىرىپ، تاجىريبە الماسۋ مەن يننوۆاتسيالار ءۇشىن ەرەكشە الاڭ بولىپ تابىلادى، دەپ حابارلايدى ق ر ا ش م باسپا ءسوز قىزمەتى.
مۇنداي ءىس-شارالاردى وتكىزۋ سالانىڭ دامۋىنا ەلەۋلى ۇلەس قوسادى. بيىلعى جىلعى ءىس-شارانىڭ سەرىكتەس ەلى بولىپ گەرمانيا تاڭدالدى، ول 40 تان استام كومپانياسىمەن ەڭ جاڭا ونىمدەرى مەن تەحنولوگيالارىن ۇسىنىپ وتىر.
«بۇگىن مۇندا الەمنىڭ 30 ەلىنەن 250 دەن استام اۋىل شارۋاشىلىعى كەشەنىنىڭ جەتەكشى كومپانيالارى جينالدى.
كورمەنىڭ ۇيىمداستىرۋشىلارى ءداستۇرلى تۇردە بىزگە وندىرۋشىلەر، وڭدەۋشىلەر، كورمەگە قاتىسۋشى ەلدەر ءۇشىن پايدالى بولاتىن بايسالدى بيزنەس باعدارلاماسىن دايىنداعانىنا سەنىمدىمىن، بۇل جالپى سالانىڭ ودان ءارى دامۋىنا ىقپال ەتەدى.
قازاقستان ورتالىق ازيادا اۋىل شارۋاشىلىعىن دامىتۋداعى كوشباسشىلاردىڭ ءبىرى. جىل سايىن ءبىز 20 ميلليارد دوللارعا جۋىق اۋىل شارۋاشىلىعى ونىمدەرىن جانە 6 ميلليارد دوللارعا جۋىق وڭدەۋ ونىمدەرىن وندىرەمىز. تاماق ونىمدەرىنىڭ نەگىزگى تۇرلەرى بويىنشا ازىق-تۇلىك قاۋىپسىزدىگى قامتاماسىز ەتىلگەن.
ا و ك ونىمدەرىنىڭ جىل سايىنعى ەكسپورتى 5 ميلليارد دوللاردان اسادى. ءبىزدىڭ ماقساتىمىز الداعى بەس جىلدا ونى 10 ميلليارد دوللارعا جەتكىزۋ.
جالپى العاندا، سوڭعى 5 جىلدا اۋىل شارۋاشىلىعىنىڭ نەگىزگى كاپيتالىنا ينۆەستيتسيا كولەمى ەكى ەسەگە جۋىق ارتتى جانە 2023 -جىلى 2,2 ميلليارد دوللاردى قۇرادى، بۇل اۋىل شارۋاشىلىعى سەكتورىنىڭ شەتەلدىك ينۆەستورلار ءۇشىن تارتىمدىلىعى ارتىپ كەلە جاتقانىن دالەلدەيدى»، - دەپ اتاپ ءوتتى اۋىل شارۋاشىلىعى ۆيتسە- ءمينيسترى امانعالي بەردالين ءوزىنىڭ قۇتتىقتاۋ سوزىندە.
سونىمەن قاتار، جيىندا ۋاقىتشا سەنىمدى وكىل ۋلريح كيننە جانە «ExpoGroup» ج ش س ديرەكتورى شولپان قوجابايەۆا قۇتتىقتاۋ سوزدەرىن ايتتى.
كورمەدە وتاندىق سەلەكتسيالىق تۇقىمدار، زاماناۋي تەحنولوگيالار، اۋىل شارۋاشىلىعى ونىمدەرىن ساقتاۋ، وڭدەۋ جانە لوگيستيكا ءۇشىن تەحنيكا، بارلىعى 300 گە جۋىق ەكسپونات ۇسىنىلعان. يننوۆاتسيالارعا ەرەكشە نازار اۋدارىلعان، ولار كەز كەلگەن سەكتوردا قوزعاۋشى كۇش بولىپ تابىلادى.
سونداي-اق، كورمەنىڭ بيزنەس باعدارلاماسىندا سەمينارلار، پرەزەنتاتسيالار جانە بايقاۋلار وتكىزۋ جوسپارلانعان.
ايتا كەتەيىك، ءىس-شارا اۋىل شارۋاشىلىعى سەكتورىنداعى جەتىستىكتەردى كورسەتۋ، اگروبيزنەس وكىلدەرىن بيزنەسپەن ءساتتى اينالىسۋ ءۇشىن قاجەتتى بايلانىستار مەن بيزنەس بايلانىستارىمەن قامتاماسىز ەتۋ، پروبلەمالاردى تالقىلاۋ، شەشىمدەر ىزدەۋ جانە بيزنەس- كەزدەسۋلەر وتكىزۋ ءۇشىن ءارتۇرلى ديالوگ الاڭىن ۇسىنۋ، قاتىسۋشىلاردىڭ برەندتەرى مەن ونىمدەرىن ناسيحاتتاۋ ماقساتىندا «ExpoGroup» ۇيىمداستىرعان.
اۆتور
ەربول جانات